بنتي وحالتها الغريبه؟؟؟؟

السلام عليكم ورحمة الله وبركاته

باختصار شديد

بنتي الكبيره عمرها19 سنه ولله الحمد جميله ومؤدبه

وكااااااااااانت شاطرهبالمدرسه (الحين ماتدانيها وتدرس عشان مايقولون عنها جاهله)وللحين بثاني ثانوي ؟؟؟؟

القصه
العام جتني تصيح يمه فيه اسد بالحوش سميت عليها وقلت خيال

وبعدها شافت وجه مرعب على جدار جيرانا بالحوش بعد

وامس شافت كلب اسود
شوي ويختفي

مادري وش فيها

صلاتها يعني ماتحرص عليها الابعد مامر عليها دايم تنرفز وترفع صوتها علي وترجع تندم

دايما خايفه وتشك في اخوانها العيال انهم يتعرضون لها ويطلون عليها بالحمام؟؟

واخوانها قمه بالادب ويحلفون وتقول انا شفت فلان اخوها يطل عليها ويرد عليها انتي مجنونه

تهقون فيها شي
يعني حسد اوسحر
او مس

ولا فيها نفسيه

مره سمعتها الرقيه وعادي ماحسيت انها متاثره الابعظامها توجعها

عاد هي دايم تشكي وجع العظام والكسل ودايم صدرها ضيق

تعبت معاها

عاد انا اخاف م هالمطاوعه ومادري منهو الصالح ومنهو الطالح
واخاف اروح لواحد ويطلع مشعوذ
اخاف على ديني
الحمد لله حنا بالبيت وضعنا النفسي طيب

نرجع لبنتي عندها احلام غريبه

فيها حيوانات مثل الكلب والجمل وتكون سوداء

احيانا احس انها موسوسه

بالله اللي عندها خبره تدلني

وادعوا لها بالشفاء

ملاحظه ياخواتي انا عندي تفكير ان الشيطان لايفتح بابا مغلقا ولا يغلق بابا مفتوحا
وانما جعل الله له سلطه على ابن ادم بالوسوسه فقط

لذالك انا ارى ان مايحصل مع بنتي قد يكون وسواسا او ماشابه

انا ولله الحمد مؤمنه واؤمن بوجود السحر بانواعه والعياذ بالله
واعلم ان العين حق
وان الحسد من صفات البشر
ولكن الا تظهر على المحسودين والمسحورين علامات تدل عليهم (كالذي يتخبطه الشيطان من المس)
او بمعنى الايه

انصحوني جزاكم الله خيرا

ومن تجد حرجا بالاجابه ترسلها على الخاص