بنتي وشد الاوتار

الله يشفيها ويعافيها، انا بنتي انولدت بالشهر السابع وعندها نفس المشكلة ،،، شد بالأوتار ،، بسبب شلل دماغي اتضح عندها في أشعة الرنين. عمرها الان ثلاث سنوات ولحد الأن ماتمشي، ولكنها تجلس وتحبي عادي ويدينها طبيعية ولله الحمد وعقلها وفهمها وكلامها فوق الممتاز ولله الحمد. ضروري جدا تعملينلها مساج يوميا وكذلك علاج طبيعي علشان تساعدينها في موضوع الشد، ان شاء الله ترجع مع الوقت تجلس وتبدأ تحبي.

متى بدت تجلس وتحبين

وتحبي
الله يوفقك ويسعدك ويعافيه
عادي تواصل معك خاص؟

جلست بعمر سنه وشهرين تقريبا بس انها اخذت مني مجهود الين تعلمت يعني ماجلست من نفسها .. والحبي بدت اول شيء تزحف وتسحب جسمها سحب علی يدينها علی عمر سنه و4 شهور واتوقع علی عمر سنه ونصف بدات تحبي مزبوط

بدا عندها حول في عيونها علی عمر 9 اشهر والان تلبس نظارات .. لاحظت بعمر ستة اشهر انه كل اللي بعمرها يقدرون يمسكون اللعبه في ايدينهم ويلعبون فيها وهي ماكانت تلعب بيدينها كثير .. اشتريتلها خشخيشات والعاب الين تعلمت ماشاءالله وصارت حريفه بهالموضوع .. كنت الاحظ في ذيك الفترة اني لما اوقفها .. توقف علی اطراف اصابعها واوريها للدكتور (خفت مره وقتها مره بصراحه لاني كنت اتوقعها طبيعيه ) وكان الدكتور سوداني الله يذكره بالخير وبارد مره يقول مافيها شيء بس انتي وسواسه .. يقول عادي ترجع توقف طبيعي مع الوقت.. بعدين في ذيك الفترة انتظرها تقلب .. احطها علی بطنها طول النهار في الصاله وحوليها العاب ومن فوقها العاب .. ابغاها تحاول تقلب .. ماكانت تقلب ابدا .. ترفع راسها وتطالع وكل شيء بس انها ماتقلب نفسها ابدا .. اعطيتها وقت وانا احاول معها يوميا.. الين صار عمرها تسعة اشهر ومافيه فايده.. وبصراحه هذي كانت اول علامه نبهتني ونبهت الاطباء انه ممكن يكون عندها مشكله. كان عمرها وقتها تسعة اشهر معدل ولكن عمرها منذ الولاده قريب سنه .. قام نفس الطبيب السوداني طلب ينومها ويعملها mri .. وطلع التشخيص علی انه تموت في خلايا الدماغ البيصاء او PVL وهو اصابه في الدماغ تظهر فقط في الاطفال الخدج .. وممكن تؤدي الی شلل دماغي وممكن لا .. حسب نوع الخلايا اللي فقدت...
بعدها بشهرين تقريبا وديتها لاستشاري مخ واعصاب اطفال .. بامريكا .. وبدون مايشوف الاشعه ولا شيء .. ف***ا فحص سريري وقالي بنتك عندها شلل دماغي 😢


قال ايضا مانعرف ايش حجم الضرر ولكن واضح انه من الدرجه المتوسطه وممكن انها ماحتقدر تمشي بدون مساعده وممكن انها يصير عندها مشاكل في النطق .. واحتمال الفهم يكون عندها متاثر مانعرف الاعراض تظهر مع الوقت 😟