ياربي ناقصين احنا طلبات وش ذا الروضات

ولدي بالروضه يطلبونه واطنشهم ما اعطيه اذا ماعندي وعادي ما اغيبه طنشيهم اكيد فيه بنات ماجابو بعد

انتي غلطانه ظروفك صعبه ومدخله بنتك روضه اعرف حريم هم وازواجهم موظفين وعندهم رواتب مادخلوا عيالهم روضات دخلوهم مراكز تحفيظ روعه لافيها طلبات ولاهم يحزنون يحفظونهم قرآن ويعلمونهم القراءه والكتابه وينمون المهارات الأساسيه للأطفال وبنفس الوقت ينبسطون وموجوده هالمراكز بكل الأحياء ومبالغهم رمزيه بعد ومافيه طلبات نهائياً بس انتو تحبون الخساير باعتقادكم الشي اذا بفلوس يكون افضل وبوضعك انتي اسمحي لي انتي السبب بكسر خاطر بنتك حاطتها مع اطفال اغلب امهاتهم وابائهم موظفين ويوفرون لهم كل شي عشان كذا اما انك تتحملين المسؤوليه وتوفرين لبنتك الطلبات او الله يعينك كل مره تغيبينها والله يفرجها عليكم وعلى كل مسلم يارب..

الله يرزقكم من حيث لا يحتسب يارب اختي عليك بكثره الاستغفار وصدقيني سيفتحُ الله باباً كنت تحسبهُ من شدة اليأس لم يُخلق بمفتاحِ والاستغفار مفتاح الفرج
قال تعالى(وقل استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)

اذا فستان لبسيها اي فستان وروحي قولي للإدارة مايصلح تشرطون وكيمة بصورة مالهم حق قولي لا وكملي من يوم يطلبون الطلب وقولي لا اكيد الأهالي كلهم متضايقين اذا يبي يحتفلون يشغلون نشيد ويخلونهم يرقصون
شي يدل على وحدة المسكن عطبها مفتاح البيت وحفظيها هذا اهم شي في البيت بدونه مانقدر ندخل او ترسمون رسمة فيها بيت وتتكلم عنها وهكذا وقوي بنتك والا بتتعب بتصير تحب التنافس وخرابيط المظاهر مالها داعي ابدا اما الكيكة من جد خرابيط وترا ابدا مو شي تربوي الطلبات قولي للإدارة احنا مانبغى اولادنا يربطون نفسهم بالماديات. خاصة مع روية الدولة الجديدة الي تركز على تنمية الفرد وعطيهم من هالكلام لو كل الناس صلحوا كذا ماصار فيه هذي الخرابيط