بنتي وعصب العين

السﻻم عليكم ورحمته الله وبركاته 
يا امهات انا بدخل بالموضوع على طول بدون مقدمات 
انا بنتي عندها ضمور بعصب العين وعمرها 3 سنوات 
ﻻحظت عليها من هي صغيره وهي بالشهر الثالث اهتزاز بعينها (راراه العين )
وديناها المغربي وقال شي عادي ومع العمر بتروح 
وفعﻻ راحت منها او خفت بنسبه 90 % 
المهم يوم صار عمرها سنه اكتشفت انها ماتشوف اذا طلعت للشمس 
تكون مفتحه عينها ع اﻻخر بس ماتشوفنا 
ناشر  لها وماتشووف انصدمت يوم شفتها وبكيت والله 
وديتها للمغربي وسوينا  لها فحص للعين وتخطيط للراس 
طلع عندها ضعف بالعصب حق الرؤيه 
وفصلنا لها نظاره شمسيه من امريكا  كلفتنا 1900 وجلست شهر لين جتنا
قال تلبسها اذا بتطلع برا  
وبالبيت خفضنا اﻻضائه وحتى اضائه تلفزيون  عشانها 
وحولنا على مشفى الملك خالد بالرياض 
هي الحين تمام تشوف بالنظاره لما تطلع برا  البيت 
ومن تبدا تغرب الشمس عادي تشيل النظاره ﻻن نظرها يكون تمام وتشوفنا 
انا الحين شايله همها اذا راحت المدرسه كيف بتصرررف معها 
بالله اللي تقرا موضوعي تدعي لبنتي بالشفاء لعل وحده منكم تدعي ويصادف
موعد اجابه 
واللي تعرف احد عنده نفس حال بنتي تطمني 
اي مشفى راحت او كيف طفلها مع المدرسسه