بنتي وعلاقة الجنس الاخر***ارجو من اصحاب الرأي السديد الدخول((ياليت وقفو شوي فيه))

عن نفسي بحرمه النت وبقول لها انا حذرتك أكثر من مره وكل مره ترجعي لنفس الشي
والحين انتي مو قد الثقه الي اعطيتك ايها ولو تكلمت ولا زعلت خوفيها بأبوها ترى عيال الزمن هذا عيونهم مفتوحه على
كل شي

الافضل انك تكلمينها بعد ما ترجع من المدرسه
ولازم ابوها يعرف عن الموضوع لان البنت تخاف من الاب اكثر

شوفي ياقلبي في كل المنتديات المختلطه حركة سجل الزوار ياكثر الكلام فيها على غير سنع
اهم شئ لايكون الكلام الي كتبه لها اوكتبت له كلام دلع وغزل وياقلبي وهذه الخرابيط
خليها تروح المدرسه ولكن شئ صار اذا رجعت بعد الغداء ناديها في غرفتها وحاكيها بهدوء
بس بشرط محد يدري عن الي صار لكم ابد ولا ابوها ابد ابد عشان تثق فيك ان شاء الله
اهم شئ حسيسها انك دايم معها واي شئ يصير لها تعلمك حتى لو كان تافه واذا تكلمت اسمعي لها وحطي عيونك بعيونها
قولي لها لو درى ابوك عن السالفه مارح تشوفي نت ابد ابد بس انا بسكت لانك بنت كبيره وتفهمي الكلام ولاابغى احرمك من النت
وذكريها باالاخره لو كنت تكذبي علي اصابعك راح تتكلم يوم القيامه لازم تحس بخوف شوي
بعد هذه السالفه اتفقي مع ابوها لان الرجال عندهم خبره في هذه البرامج بس لاتخبريه الي صار قولي الاحتياط واجب
يدور لك على البرنامج الي تخصصين مواقع لعيالك موب اي موقع يدخلونه والباقي يصير محجوب انت الي تتحكمي فيه
اليوم تسوي كذا بمنتدى بكره بتدخل مواقع ثانيه صدقني الشيطان شاطر
والله يهديها وتشوفيها عروسه ان شاء الله

كل شي بالهدوء يتصلح
لاتعاقبيها ولا تحرميها
ابني ثقه بينكي وبينها
خليها تنكسف من العمل اللي عملتو
كلميها بهدوء قولي لها اعرف انكي غلطتي لكن كل شي ممكن يتصلح
وانتي بنتي وانا اثق فيكي انتي اغلى مااملك ماابغى اي حاجه تاثر فيكي
انتي جوهرتنا اللي نخاف اي حد يخدشكي
اعكيها من هدا الكلام
بيني لها انكي تحبيها وواثقه فيها
من اليوم وطالع خليها تستخدم جهازكي انتي بس
وكل حاجه تكون على المكشوف
قولي مش علشان مابثق فيكي علشان اخاف عليكي
انا امكي ولازم اوجهكي انتي بنتي وواثقه فيكي لكن الشيطان شاطر

ربي يفرج همكي ويطمن قلبكي عليها

حاولي كل يوم تستودعديها ربنا

صح اذا رجعت من المدرسه افضل
واحرميها من النت من هنا الين العطله الطويله
وفهميها اخطار النت
وخليك دايم مراقبتها
مو عدم ثقه بس النت يخوف
انا بنتى بمثل عمر بنتك
ومسويه لها تسجيل محادثات على المسن
لا زم اعرف وش يقولون لها صديقاتها لانك
لو ضمنتى بنتك وتربيتك فيها ماتضمنين صديقاتها
ومااخليها تدخل منتديات مختلطه
وهى اصلن طول وقتها على المسن مع بنات اعرفهم زين
الله يحفظ بناتنا ويستر عليهم
الله الحافظ وحنا نسوى الى علينا
وننصح ونتكلم ونراقب
لا بكره يلومنا اننا قصرنا معهم
وننسئل عنهم يوم القيامه > كلكم راع وكلكم مسؤل عن رعيته <