بنتي وعملية اللوز واللحمية ابغى مشورتكم

السلام عليكم ورحمة الله وبركاته
اخواتي الفاضلات اتمنى منكم تساعدوني بمشورتكم لاني قلقانه على بنتي بالحيل
عمرها 4 سنوات ويوم الاربعاء سويت لها عمليه لوز ولحميه وطلعت من المستشفى بنفس اليوم ( عمليات اليوم الواحد)
والحمد لله حالتها مستقره
بس مشكلتي معاها في الاكل رافضه تاكل بالمره وخاصه الاسكريم مرررره رافضته رغم انها كانت تحبه وبالقوه لو اخذت ملعقتين زبادي او كريم كارمل وتجلس بها طول النهار
وهي من الاساس نحيفه واحسها اللحين بتختفي مره وحده حتى وجهها صار ذابل بالحيل
ياليت اللي قد مرت بنفس الحاله وقدرت تتغلب على المشكله هذي تفيدني
ومتى ممكن تقر تاكل اي اكل عادي
ياليت القى تجاوبكم معي ولكم جزيل الشكر