بنتي ولدت طبيعيه لكن قدر الله وماشاء فعل يارب انه مو طيف توحد

السلام عليكم
بنتي عمرها ٣ سنوات وثمان شهور ولدت طبيعيه جداً تاخرت في المشي بس كانت تفهم تضحك تستجيب بعد السنتين مشت وبدت تتكلم امورها تمام الحمدلله من عمر سنتين تقويباً كانت لما تتعب يلتهب حلقه تجيها حاله غريبه وهي تقوم من النوم تخبط على الفراش كانها مكتومه عيونها تشخص ثواني وترجع طبيعيه كبرت وبدا يتطور هالشي معها وديتها المسشتفى كانت تتكلم وطبيعيه جداً اللهم هالتشنج اللي شخص على انه كهرباء زايده بالراس وديتها وسوو لها تخطيط وقالو شحنات صرفو لها علاج للتشنج تحسنت عليه ماعاد جتها نوبات ولله الحمد لكن الوضع تطور من اخذت العلاج بنتي بدت تتغير على شوي شوي بدون حتى نلاحظ فقدت الكلام تغيرت ١٨٠ درجه صارت ماتفهم صارت تبكي كثير تصارخ تقوم من النوم مفزوعه وتركض خفنا يكون شي روحاني وديناها قرايه قالت فيها مس عطيتها واستمريت على الماء المقري والزيت لكن بنتي ماعاد تكلمت الذكاء اللي قبل والشقاوة كلها راحت صارت ماتفهم ماتركز ماتتكلم اخر شي المستشفى شخصو على انه بناخذ تحليل جينات يمكن يكون طيف توحد السؤال البنت ولدت ذكيه طبيعيه تفهم تتكلم بس بعد ماجانا مولود جديد يمكن يكون سبب انه تغيرت ماعرف اذا فيه احد قد صار له كذا طفله فقد النطق بعد ماجاء طفل جديد طمنوني الله يطمن قلوبكم ويشفي بنتي والمسلمين اجمعين