بنتي ولين العظام !

السلام عليكم
كيفكم ؟
عندي مشكله ابيكم تساعدوني فيها
ويا ليت اللي مر عليه مثل مشكلتي تساعدني
بنتي عمرها سنه من عمر ٨ شهور سويت لها فحوصات
واشعة وقالو لي معاها لين عظام وضعف بالعضلات
طبعا ما كانت تجلس الا بمساعده وتزحف وتقلب
بس ما كانت توقف على رجولها وسويت اشعة لراسها سليمة تماماً ولله الحمد
وكان العلاج للين العظام جرعه فيتامين د عاليه ١٠ نقاط
وعلاج طبيعي جلستين فالاسبوع
طبعا ولله الحمد تحسنت صارت توقف وتمسك بالاشياء وتوقف
والحين على عمر السنه صارت تجلس تماماً
بس ما تحبي والزحف على قدام ببطء شديد
وللحين ما طلعت اسنان ولا سن عندها !
تفهمني تعرفني تضحك تميزني تلعب مع اللي حولها
ومرحه جداً تغني وتقول ماما وبابا ودده وددي وننه
نومها كويس جداً ترضع كويس تاكل تمام
بس شايله هم للحين ما تقوم تجلس من نفسها انا اجلسها اذا كانت منسدحه ما تقوم تجلس ما تعرف
من مر عليه مثل حاله بنتي تكفون ي امهات ابي بنتي تمشي
وتركض زي كل الاطفال😭
الكل حولي يقارن احاول اطنش واتجاهل اسوي قويه
بس انا محطمه من جوه الحمدلله ياربي انها بصحه وعافيه بس الاطفال بسنها مشيو وسننو والكلام يتكرر بكل جلسه
بنتك ما مشت ! بنتك ما طلعت اسنان؟ بنتك ليش ما تحبي ليش ما توقف بحواف الاشياء
اللي كان طفلها او تعرف احد معاه لين عظام هل طبيعي التأخير بالتطورات الحركيه ؟ وهل تاخر بالمشي واش كان علاجه !
وشكراً ♥️