بنتي ومرضها الجنف 😭

السلام عليكم كيف حالكم خواتي
والله نفسيتي تعبانه بفضفض واستفسر بنفس الوقت
بنتي عمرها ٢٠ سنه
كانت من المتوسط تشتكي لي من ظهرها
انه يعورها كنت احط لها فكس ع بالي شي سهل
ع بالي من النوم او شي
سافرنا السنه اللي راحت ومشت كثير كثير
كانت الرحله عباره عن مشي
يوم رجعنا الديره البنت تصيح صياح من ظهرها
ماتقدر وديتها على طول للمستوصف
كلن فيه دكتور مصري على طول قال عندها ميلان!!
انصدمت بشكل ماحد يتخيله ماعرف ايش هو الميلان اول
ماقالي وجلس يخوفني انه ممكن يزيد وممكن مادري ايش
وجلس يتكلم أمام بنتي انه ممكن يزيد ولازم عمليه
ولا يسبب ميلان لكل جسمها او شلل
بنتي رجعت تبكي وانا ابكي من هول اللي سمعت
وديتها للحببيب طياره
نفس الشي قالي الدكتور فيها ميلان الي
هو يسمى الجنف وهداني شوي انه
بسيط
وانه بس ٢٨ قالي الزاويه قالي ماتعدى ٣٠
وانه خلاص بنتك عمرها ٢٠ ماراح يزيد ابد
لان نموها واقف
ولا تحتاج عمليه فقط
رياضه وعلاج طبيعي بين فتره وفتره
لكن بنتي تعقدت كل شوي توقف قدام المرايه
وتناظر ظهرها وتسالنغ ماما جسمي مايل ؟
ماما يقولون الشي هذا بالنت أعاقه انا معاقه.؟
بنتي ماتنام من الخوف
سالت الدكتور من وين جاها قال اقرب شي انه
خلقي من زمان فيها بس الحمدلله جدا بسيط بس
يسبب لها الم احيانا
تكفون بنات من تعرف احد فيه ميلان اللي هو جنف وتعالج
وهل هو شي خطير ؟😭😭