بنتي ومشكلة حفاظتها ارجو المساعده

السلام عليكم
اخواتي عندي استفسار عن شي كان بالبداية سهل علي , لكن بعدين صار مشكلة عويصة ويديني تقطعت منه
بنتي عمراها 7 شهور لكن للاسف اول ما توصخ وانتم بكرامه ( تتبرز)في حفاظتها الاقيها موصخه الدنيا كلها ظهرها وملابسها الداخليه واقوم اغسلها واروشها لانها تملي ظهرها كله واغسل ملابسها الداخليه بيدي ثم اغسلهن بالغساله لوحدهن وهلما جرى , لما يصر كذا مرة ومرتين مو مشكله , لكن المشكله لما يصير هذا دايما ويوميا كل ما توصخ وهي توصخ مرتين وانتو بكرامه باليوم , فما يصير من جد كل ما اقوم اغير لها اخذ ما يقارب النصف ساعه
قلت يمكن عشاني اشد الحفاظه وامسهاو فغيرت اسلوبي وصرت اخلي حفاظتها مو مشدودة وارخيها و ومافاد
, ثم ارخيتها بقوة , ومافي فايدة , ثم رفعت الحفاظة من الامام وخليتها من عند بطنها مع ارخاءها , ومافيه فايده, ثم طولت الحفاظة من ورا ونزلتها وارخيتها من الامام ومافي فايده ,
انتظرتها واول ما وصخت وشميتها هههههههههههه على طول الحمام وبرضو مافي فايده لقيتها مليه الدنيا كلها
قلت يمكن لانها تكون في دراجتها ( المشاية) وجالسه عشان كذا وصل ظهرها , بس مو معقوله لان احيانا توصخ نفسها حتى وهي منسدحه , وبعدين شفت بزران واجد يكونو جالسين ويوصخون وعادي لما يغسلونهم اهاليهم ما يكونون موصخين شي

:06:انا تعبت لو الشي هذا يصير مرة مرتين عادي
لكن يوميا وكل شوي اغسل ملابسها بيدي وشي ملابس اياس منها وارميها بالزباله لاني اخاف حتى لو اغسلها ما تنظف ويصيب بنتي مرض
للمعلومية كنت استخدم بامبرز والحين حولت على نوع جديد واحسن من بامبرز
وحفايظها قدها بالضبط لا هي اصغر ولا اكبر
وجربت انها تكون اكبر بشوي بس مافيه فايده
انا متاكده ان السبب طريقة تلبيسها للحفاظة
بانتظار مساعدتكم