بنتي ومص الاصبع افكاركم عجزت معها

انا لي اسبوع اربط يد بنتي اذا نفعت خبرتك بنتي عمرها سنتين

وعليكم السلام ولرحمة الله وبركاته بالنسبه لمشكلة بنتك مشكله صعبه جدا لانه كان عندي ولد يمص اصبعين مو اصبع من يوم ولدت فيه وجربت كل شي واي شي يخطر في بالك ولكن لافائده يسيبها شوي ويرجع لها ثاني الين ماكبر صارهو يستحي من نفسه واخوانه يضحكو عليه لكن مع هذا كان يتركها قدامنا ومن ورانا يمصها لاحظي وهو يفهم ووده يترك هالعاده بس مايقدر ,,وبعدين ليه يتكلمو فلانه تمص اصبعها عادي فيه كثير حالات اطفال يمصو اصابعهم وقادر ربنا انه يشفي بنتك ويبتليهم ناس غريبه وجاهله هذا الشي لابيدك ولا بيدها الله يهدينا ويهديهم

http://forum.hawaaworld.com/showthread.php?p=70705524

تفضلي
وربي يعينك

أنا كان عندي ولد وصل خمس سنين وهو يمص أصبعه ووصل حد الادمان ما يقدر ينام من دونه و الحمد لله ترك هالعادة
المهم المسألة تبي منك أسبوعين تكوني فاضية لها و ما عندك شي يشغلك عنها لأنها تحتاج مراقبة دائمة لحد ما تتعود تمارس حياتها بدون هالعادة
أول شي أجلسي معها و كلميها بهدوء لو سوت ماما الحركة هذي أيش رايك و كذا لما تحسين إن البنت كرهت العادة و ما عاد تبغى تسوي كذا بس تراها مارح تتركها لازم تساعدينها :
شبعيها زين ولدي كان يجوع ما يطلب أكل يدخل أصبعه
اشتري اشياء تحبها و خلال النهار كل ما شفتيها دخلت اصبعها طلعيه و عطيها حليب شوكلاته أي شي حلو بالنسبة لها
عند النوم في بالصيدلية زي الجبيرة شمع على المرفق ما تقدر تثني يديها الثنتين جربيه معها ما تقدر تدخل أصبعها
ولدي أول يوم اتعبني جدا بغى ما ينام اليوم الثاني أخف و يخف الحمد لله بس تراه يحتاج مراقبة اسبوعين لا تغفلين
و زي ما قلتي حنا كان عندنا ولد كذا و العيال يضحكون عليه و خلوه مسخرة لهم هو كبر و صار رجال بس اكيد باقي اثر السخرية في نفسه عشان كذا قررت أني اقف لولدي و قفة وحدة
و لعلمك لو حصلت مشكلة أو مرض أو شي بتحاول ترجع للعادة هذي بس وقفيها مرة وحدة لا تتهاونين معها الله يخليها لك و تشوفينها من أسنع البنات

الله يسعدكم

وجاري التطبيق لكم