اختي لمياء زوجي مايفضى ودايم مشغول بس الحمدلله الحين خلص دراسته وبخليه يلتفتلها زوجي مهتم بعيالي بس ماديا لكن في التربيه مايشاركني فيها ابد وعلى قولتك مدلعها اي شي تبيه ﻻزم يجيها لكن راح اكون صارمه معه ﻻزم يشاركني تربيتهم اﻻب مو بس بالفلوس 

ﻻ بالعكس اختي انا يصير بيني وبين زوجي مشاكل بس انا انسانه امتلك اعصابي بعض اﻻحيان وامشي اشياء كثيره يعني قليل تصير بيني وبينه شي قدام عيالي حتى هو بالعكس دايم يحضني قدام عياله ويتكلم معي كلام حلو وهي تسمع وانا ماانكر اني اعصب واحيانا العن الله يهديني يارب بس اشوف امهات اسوء من كذا وعيالهم يحترمونهم

إبدئي عزيزتي بتقويم الصﻻة عند بنتك .
ﻷن الصﻻة تنهى عن المنكر. و توقظها من غفلتها و تبعدها عن اﻷخﻻق السيئة و منها عقوق الوالدين.
إذا دينها ضعيف لن تتوب و لن تتأثر بعقابك . بل ستزيد عنادا .
ذكريها بالله و الخوف من عقابه و هاتي لها قصص عن عقوق الوالدين و عن بر الوالدين . و اقرئي لها قصص في بر الصحابة بالوالدين .
اكتبي لها رسائل فيها إظهار الحب لها و انها صديقتك و انك تعاتبينها على رفع صوتها و كيف انك كنت مسرورة بها عند وﻻدتها ووو بحيث تحركين عواطفها .
ﻷن القسوه في هذا السن يولد العناد.
وكما قلت لك إذا أذن المؤذن ناديها و ثلي بجوارها حتى تزول الحواجز بينكما و تشعر بقربك لها .
فالفجوة بين اﻷم و البنت تجعل البنت تنظر ﻷمها كأنها مديره ظالمه ﻻ تحبها و تريد استعبادها.
إجعليها دائما معك و ﻻ تجعليها تخلوا باﻷجهزه الحديثه التي جعلت البنت تكره مجالسة امها و اﻷنس بكﻻمها.
و أخيرا إدعي الله تعالى بصﻻح ذريتك و هدايتهم فدعاء الوالدين مستجاب.

مشكوره اختي حكيمة الرياض وجزاك الله الف خير

والله كأنك تتكلمين عن ولدي هو بالمتوسط الله يهديه نفس الطبايع الله يهديها ويصلحها ويشرح صدرها إدعي لها بالثلث اﻷخير من الليل وعوديها عالصﻻة ﻻتترك فرض