بنتي ونومها الله يحفظها

طبعا انا عضوه جديده وأول مره اكتب موضوع 😊
اتمني اللي عندها خلفيه تفيدني 

الله يعينك ..
جربي تلعبين معهاا طول اليوم وخليها تبذل مجهود لين يجي الليل تكون داايخه ...

وحاولي تطلعينها الصبااح في الشمس او العصر حديقه قريبه واذا رحتي مكاان فيه تراب نااعم مشيهاا عليه بدون جزمه علشان يسحب الشحناات وقللي لها من متابعة التلفزيون والاشياء الالكترونيه

ويارب تضبط معك

مشكورين على الرد 
والله انا أحاول ماخليها تنام طول اليوم 
والمشكلة انها ماتنام إلا على تلفزيون وانا ودي تتعود تنام من غيره 

اللهم صل على محمد وعلى آله وصحبه أجمعين

يمكن ماتكونين عودتيها من صغرها على نظام معين وقت النوم

الله يعينك يبغالك صبر لحد ماتأقلمينها

خذي لك يوم كامل برى البيت خليها تلعب وتطلع الطاقه اللي عندها وحاولي ماتنام الا غفوه بسيطه عشان لاتتعب مره

واذا جا بالليل ارجعي البيت حمميها وحطيها بسريرها وشغلي عندها القرآن او هدهديها لحد ماتنام

ولو صحيت لاتشيلها خليها بفراشها حطي يدك على صدرها او امسحي على راسها لحد ماتنام , وحتى لو بكت طنشي

وانتي كمان نامي معاها عشان تستوعب ان وقت الليل خاص بالنوم ومافيه فايده لو صحيت لان مااحد معطيها وجه

ان شاءالله اسبوع او اسبوعين بالكثير وينتظم

ودايم تأكدي انها تنام وهي شبعانه , وجو الغرفه ودرجة الحراره مريحه لها