بنتي وولدي تكلموا عن الزوج والزوجه

اخواتي ساعدوني كيف اتناقش مع اولادي
اليوم ولدي وعمره 9سنوات وبنتي 7سنوات قعدوا يتناقشون عن الزوج والزوجه مين فيهم الي يجيب الولد هم طبعا يتكلمون بكل برائه ومايدرون ولما اشتد بينهم النقاش سئلوني انا طبعا جاوبتهم وانا منحرجه مررررره واجاوب بتلعثم وقلت المره هي الي تجيب الولد بس بالمستشفى ابي انهي الموضوع
وبالاخير قال ولدي انا ماابي اتزوج
انا خايفه عليهم من هالافكار وبنفس الوقت ماابي اصرخ عليهم واخليهم مايجيبون سيرته
كيف اتعامل معاهم وهل هذا النقاش يدل على افكار جنسيه لهم مع العلم اني مبرمجه التلفزيون على قنوات سبيس تون وقناة طيور الجنه والباقي كلها دينيه من المجد والرساله واقراء وقنوات شعريه من الساحه والصحراء يعني مافيه مجال يشوفون مسلسلات هابطه وانا وابوهم مايبين علينا شي قدامهم اذا كان على العلاقه تكون بعد نومهم
ساعدوني وريحوا بالي هل كلامهم هذا عادي ومايتطور لاسمح الله