بنتي و التهاب عظمة الخشاء

السلام عليكم مثل ما ذكرت بنتي نامت قامت فحأه تصيح من اذنه و حرارته مرتفعه ل ٤٠ قلت ممكن التهاب حلق و يروح او فيروس من حق هذا الايام صبرت يومين على الحافظات و الكمادات و الليمون و العسل و لا فاد شي اخذتها ثالث يوم المشفى عند طبيبة اطفال قالت اذا ما اتحسنت للصباح جيبوها تنويم لان عندها التهابات شديده بالاذن
طبعا رجعنا البيت و الوقت ليل الا القت عليها اشوف اذنها خارجه شوي و بارزه اشوفه كويس وراه محمر قلت لا الصباح اخذه عند دكتور اذن و حنجرة طبعا رحنا و كانت الصدمة قال خراج بعظمة الخشاء و صرف مضادات للوريد و قال نستمر حتى ع المضاد الشراب طبعا الحرارة لسه ترتفع رجعنا اليوم الثاني قال عمليةما ينفع تتاخر كانت صدمه علينا كبيرة قلت لا ما اصدق ضروري اروح عند اكثر من دكتور و رحت سويت اشعه و الكل قال نفس الكلام تعبت نفسيا و رحت نومتها بالمستشفى من الخميس و بداء مشوار مغذيات المضاد للوريد طول اليوم و السبت الحمدلله عملت العملية و قالوا الحمدلله العملية ناجحة بس الحين لنا من العملية عشر ايام و المضاد الحيوي ثمان مرات عن طريق الوريد باليوم و مع هذا لها اربع ايام و الحرارة رجعت ترتفع ل ٣٨ و نص الصدق خايفة خصوصا قالوا لسه مستمرين بالمشفى عشر ايام و احنا اساسا لنا ١٣ يوم تعبت البنت ابر و مضادات لسه ما كملت ثلاث سنين من عمرها …. اللي مرت بنفس التجربه يليت تفيدني