بنتي و الحلق.. تكفون ساعدوني للي عندها خبرة

السلام عليكم حبيباتي.. اتمنى تكونون بخير و عافية
ياريت يلي عندها خبرة ببناتها تساعدني وأكون لها شاكرة من قلبي
القصة ومافيها اني مغتربة أنا و زوجي, حملت ببريطانيا و جبنت بنية الحمدلله, و القانون عندنا ما اقدر أخرم أذنها لين ما تخلص السنة تقريبا.. ما قدرت اصبر و سرت لأهلي في الامارات يوم كان عمر بنتي 6 شهور ونص, و خرمت لها هناك بمستشفى خاص و كلفني وايد عشان اظمن لها دكتورة زينة و الحمدلله مشى الحال. و رديت بريطانيا عقب شهر.. في يوم طلعنا المول و شافتني وحدة وتمت تسالني كيف ووين ومتى ركبتي الحلق لبنتك, قلت لها مو ببريطانيا سويته لها بالامارات, و هي عندها بنت قد بنتي و تمت تقول انها تتمنى لو تقدر تسوي لبنتها بس غصب عنها تنتظر لين تخلص السنة عشان القانون.. في ذيك الفترة بنتي كان عمرها سبع شهور. و ربي يا بنات من يومها اذن بنتي ألتهبت و حمرررررت و تنزف و يطلع منها قيح. شليتها الدكتور و قالوا ألتهاب و لازم نطلع الحلق شوي و نحط دوا مضاد حيوي و ما نركب الحلق الا لما يروح الألتهاب, و فعلا طلعته و أستمريت عالدوا و خف الألتهاب و الحمدلله الخرم ما تسكر, بس رغم انها ما فيها اي التهاب بالمرة لكن اول ما اركب لها الحلق اذنها تنتفخ و تحمر مثل الطمام!!!
قلت ممكن حساسة من المعادن, جربت لها حلق بدون مادة النيكل, و حلق فضة و ذهب ابيض و ذهب اصفر صاااافي ة حلق طبي بلاستيك و حلق مخصوص من امريكا! وكلهم نفس النتيجة, اول ما اركبه ما يمر خمس دقايق الا و اذنها حمرررررررة و تنتفخ و تنزل دم و صديد رغم ان الالتهاب رااااح تمامااا
الحين بنتي ماشاءالله عمرها سنتين تقريبا, اخر مرة حاولت اركب لها الحلق من 3 شهور, لقيت واحد منهم الخرم تسكر و الثاني مفتوح, بس اول ما لامس الحلق اذنها حمرررت و تمت تبكي من الوجع!
الحين الخرمين تسكروا, انا ما همني والله بنتي حلوة بدون الحلق الحمدلله, بس ودي انها تلبسهم مثل البنات الثانيات.. شو تنصحوني؟؟ انتظر لين تكبر و تصير 3-4 سنين و اخرم لها مرة ثانية؟ او اخليها لين هي تكبر و تطلب مني؟ اخاف اخرم لها و يصير نفس الشي من اوجاع و نزيف ة صديد :(