بنتي و بنت حماتي ومسلسل الضرب و الصياح كل يوم وربي نفذ صبري

السلام عليكم ورحمة الله وبركاته
سالفتي واضحه من العنوان أنا لي حماة اخت زوجي ساكنه معنا بالبيت بحكم انها مدرسه بنفس منطقتنا و زوجها موظف بمنطقه ثانيه مع العلم اني أنا ساكنه بيت اهل زوجي مافيه الا امه واخوه اللي اصغر منه واخته هذي المهم في الموضوع انا عندي بنت عمرها سنه و عشر شهور و حماتي عندها بنت عمرها 3سنين وشوي دايم كل ماشافت بنتي ياتضربها وتاخذ اللي معها يا ترفسها يا تنتف شعرها ادري بتقولون أطفال بس أنا والله تعبت من صياح بنتي ياحياتي هي وانا من النوع اللي اسكت بس يبين علي اني متضايقه بس المشكله حماتي وخالتي ام زوجي عااااااادي عندهم ولا حتى يقولون لها عيب او يهاوشونها لاااا الا اجي انا اذا صرت نازله عندهم وبعدتها عن بنتي اما اذاكنت فوق تروح فيها من الصياح انا موفره لها كل شي عندها ألعاب ومرجوحه وقنوات اطفال و سي دي هات بس هي ماتستانس الا اذا نزلت تطلع روحي علشان تنزل تحت واذا نزلت بعدها بخمس دقايق اسمع صراخها وانزل الا بنت حماتي تشد شعرها اوتضربها اوتاخذ منها لعبتها والناس عااادي انا خلاص تعبت فقلت لزوجي هب بوجهي قال ذولا بزران طيب انا تعبت بنتي وجهها كله مخوش حرام والله وحماتي شايفه هالشي عادي قسم بالله كم مره بمناسبه وتجمع لو يصير شي لبنتها تقلب الدنيا و تقعدها تكفون لاتقولون مكبره الموضوع المسأله مو زياره اومسيار هذي معي على طول العمر من تزوجت وهي عند اهلها وش السواة وش الدبره وش اقولها تكفون من غير تجريح
معليش اتمنى تفهموني انا شرهتي على حماتي و خالتي اللي يشوفون بنتي تموت من الصياح و جالسين يتفرجون حتى ماتقوم وحده منهم تبعد الصغار عن بعض ابد بروووود مو طبيعي يعني لو انا اشوف بنتي تضرب اي طفل اقل شي بقوم وابعدها عنه مو اخلي تنتف وتضرب واتفرج
بالنسبة لبنت حماتي حاولت معها اني احببها ببنتي والله لدرجه اني اذا شريت لبنتي لعبه او لبس اجيب لها بحكم انها معنا بنفس البيت بس والله بزر ماتفهم وأنا بينت لامها اني متضايقه بس ماتكلمت ابيها ماتسكت اذا شافت بنتها تضرب بنتي تبعدها خصوصا ان زوجي بمثابة الاب لعيالها وحنون معهم ومايرضى على عيالها ابد مو هي استغفر الله العظيم