بنتي و تعليم الحمام

السلام عليكم ورحمة الله و بركاته


صباح / مساء الخير لجميع أمهات عالم حواء


حبيت أخذ رأيكم في موضوع بنتي و التعليم للحمام
بنتي عمرها ثلاث سنوات و اليوم ابتديت أعلمها للحمام هي بسم الله عليها ذكيه تفهم الشيء لكنها صارت تبكي و تترجاني ما تدخل للحمام و أن حاولت أقنعها تدخل و أوعدها أهدي لها هدايا
تدخل لكن تبكي برضو و في عيونها العبرة ما تبي تسوي الصغيرة و لا الكبيرة من اليوم و هي ماسكه نفسها ما تبي تسويها
بالمسايس سوت الصغيرة و صفقت لها و حطيت لها نجمه لكن الكبيرة بكت بكاء عشان ما تبي تسويه تقول لي ما أبي أسوي بول ولا كاكا ما في شيء و هي تكذب ماسكه نفسها بس
طبعاً هي عملت على نفسها و عادي شرحت لها أن هذا مو حلو و نسويه بالحمام بس و تفهم علي و تعيد الكلام اللي قلته


الأن هل هذا طبيعي أنها تخاف و تبكي ما تبغي الحمام ؟
لأن قلت لها بكره إن شاء الله في الصباح ندخل الحمام و نغسل و نسوي و نغير ملابسنا تقول لا ما أبي حمام مافي شيء و هي تبكي


في شغلة ثانيه الأن منومتها من غير شيء و حطيت تحتها سماط نايلون تحت مفرشها في السرير هل لازم أقومها في الليل عشان تعملها في الحمام و إلا لسى بدري ؟


ياليت الامهات الخبرة يفيدوني و غيري في هذي التجربة


شاكرة لكم