(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً))
اول شي باقولكم مبدأي مع بنتي
اني ما اكذب عليها ابداً لاقتناعي التام اني لو
ما كنت صريحه معاها من صغرها و اعطيها اجابات
صحيحه فإذا وصلت لمرحلة المراهقه لن تثق
فيني و حتظل تبحث عن مصادر تاخذ متها معلوماتها
والله اعلم من فين حتصير تاخذها لذلك ما اكذب عليها
ابسط السالفه اهونها بس ما اكذب،،
نرجع للسالفه
يوم الثلاثاء كنت اتفرج على جنازة الامير سطان
و ماسكه دموعي ما ابغى بناتي يتاثروا ،،
الا بنتي ( اولى ابتدائي) تقولي
يا ماما هو ما مات انا شفت صورته بالتلفزيون
قلت هذي صور قديمه هو خلاص مات الله يرحمه
قالت ليش مات ؟ قلت كلنا بنموت << يا لغباااااائي
شوي دقايق كذا الا البنت تبكي و تبكي و متأثره مره
و اقولها ايش فيك حزينه عليه ؟ لا ،، في شي يوجعك؟ لا
قالت خايفه لاننا بنموت
هنااا حسيت اني تورررررطت ياربي ايش اقولها اللحين
بس ربي اسعفني اسأل صاحبتي عالواتس جاوبتني
فوراً الله يفتح عليها مثلي على اي شي تحبه
قلت اللحين انتي اذا عندك شي تحبينه مره مره
ترفعينه عند ماما و لا ترفعينه عندك ؟
زي اللعبه هذي و العروسه هذيك و الدفتر كذا
تحبينهم صح ؟ قالت ايوه
قلت طيب عشانك تحبينهم تخلينهم عند ماما و لا ترفعينهم عندك؟
قالت ارفعهم عندي
قلت خلاص حتى الله يحبنا يخلينا في الدنيا عشان نعبده
و نجمع حسنات و بعدين ياخذنا لانه يحبنا و يحطنا في الجنه
ان شاء الله ،، تعرفين ايش فيها الجنه؟
قالت لا ،، قلت فيها حاجات حلوووووه مررررره
كثييييره و كل شي تبغينه تلاقينه في الجنه ان شاء الله
و جلست اقولها بعض النعم ،،
و هذي تجربتي مع بنتي قلت اطرحها بالرغم من بساطتها
بس عشان لحد يتورط و يتفلسف زيي و سلامتكم..
جودي شوب @gody_shob
محررة برونزية
يلزم عليك تسجيل الدخول أولًا لكتابة تعليق.
ديالا1
•
الله يخليك لهم ويرزقك برهم
وجزهااا خير صاحبتك على الكلام الله يرفع قدرك وقدرها دنيا واخره يارب
وجزهااا خير صاحبتك على الكلام الله يرفع قدرك وقدرها دنيا واخره يارب
الله يخليها لك ذكرتيني ببنتي مره ولد الجيران قال لها امك حتموت وجت البنت منهاره من كثر البكى تقول ياماما انتي حتموتي الله لايحرمني منهم
الصفحة الأخيرة
وصح الكذب للطفل عاده سيئه تاثر عليه مستقبلا