بنتي ياناس @@@ الحقوني

السلام عليكم

مشكلتي ياغاليات بدات مع بنتي يوم الجمعة اللي طاف ,,, هي عمرها سنة وشهرين ,,, كنت رايحه زيارة لبيت اهلي ,,, ولما رحت اصلي الظهر تركتها عند اختي علشان تنتبة لها ,,,

دخلت دورة المياة ,,, علشان اتوضاء,,, ولما طلعت من دورة المياة ,,,,

شفت البنت في الدور الثاني ,,, وواقفة عند اول درجة من درج البيت تبي تنزل ,,, وماكان في احد حولها

وخلاص الوضع مايتحمل اي شي ,,,, رجل كانت على الدرجة والرجل الثانية في الهواء:eek:

انا شفت الموقف طاااااااااااااااااارت عيوني ,,,ماعرفت كيف اتصرف ,,,
اخاف اناديها بصوت عالي ,,,, تتروع :eek:

اطلع لها الدرج .... مافي وقت الموقف على اخر نفس :09:

المهم ,,, طاحت البنت قدام عيوني على طول الدرج ,,, مثل الكرة درجة درجة

وانا اصرخ باعلى صوت لدرجة ان الرجال سمعوني ,,, لان درج البيت كان سيراميك

المهم من الصراخ ابوي جاني يركض ,, وشلنا البنت انا وياة وحاولت اهديها واتفحص جسمها
لكن الحمد لله جات سليمة
مافيها الا كدمه في الوجه ,,,,,, وقعدت ادلكها وابوي يقراء عليها ,,, الى ان هداء الوضع

الى الان مافي مشكلة ,,,,,,,,,,,,,,,,,,,,,

المشكلة بدات بعد مارجعنا البيت ,,,, صرت اتخيل الموقف طول اليوم واليوم اللي بعدة وقلبي على البنت مابيها تغيب عن عيني ولا ابي احد من اخوانها يزعلها او يرفض لها طلب

واي واحد فيهم يتهاوش معاها او ياخذ حاجة من يدها اصرخ في وجهه,,, واهاوشة ,,,, واحيانا اضربة

هنا المشكلة ,,,,,,,,,,
البنت صارت لا تطاق ,,,, دلع ما بعدة دلع ,,, وتصرخ في وجهي طول اليوم ,,, وتضرب اخوانها بالالعاب
يعني تغيرت 180 درجة

وعنيدة بشكل فضييييييييييع ,,, واي احد يرفض لها طلب ,,, تمسك في الصياح والصراخ الى ان نلبي لها طلبها ,,,,,,,,,,,,,,,

وش الحل الان ,,,, هل عاطفتي الزايدة تجاهه بسبب الموقف اللي صار ,,,, انعكست بشكل سلبي على البنت ,,,,
عطوني حل ,,, كيف ارجعها زي قبل ,,, بنتي الهادية المبتسمة

:)