ياترى في فرق بالسن بينها وبين اخوانها؟؟؟؟؟؟؟؟؟؟؟

أختي الحبيبة ندري إنك ماحطيتي المشكلة إلا تبين الحل

لذلك كلنا نقولك الحل بيدك

بنتك من النوع الحساس

وهذا النوع من الناس دايما يبي حنان أكثر وتعاطف أكثر واهتمام أكثر

ماذكرتي لنا شي عن علاقتها بوالدها

لماذا لا يشترك معك في ملاطفتها و الحديث معها

وعلى فكرة في نقطة مهمة ذكروها البنات

انتبهي قبل أن يجرفها التيار..... وتجد الحنان الذي تفتقده في مكان آخر

وهذا ممكن يحصل لو فقدت الأمل في عودتك لها

فلا تتساهلي بالأمر

استعيني بالله

ووسعي صدرك

واحضني بنتك ..فليس لها غيرك

ملاحظة مهمة جدا

بكرة تكبري وتحتاجي حنانها ..وتبخل به عليكي ..لأنكي بخلتي عليها


وكلامي هذا من تجربة شخصية

البنات ماقصروا تبارك الله ..........
انتي محتاجه تهدين واتاخذين نفس عميق(يبدو انه صعب عليك اظهار مشاعرك)..........انتي عارفه المشكله بس ابدأي بالعلاج وهو كسر الحاجز النفسي واظهار حبك واهتمامك فيها (لاتهاوشينها ابد ولكن عاتبيها )
لابأس من رقيتها ليليا قبل النوم وتقبليها ثم استودعيها من لاتنام عينه.....

ما شاءالله البنات وفوا وكفوا
وخصوصا الأخت قلب أدمته الجراح
يمكن قست عليك في كلامها ، ولكن معاها كل الحق

أتمنى بعد كم يوم تنزلين لنا موضوع ثاني تعقيب على هالموضوع ، وتبشرينا فيه ان علاقتك مع بنتك تحسنت
وان البنت نفسيتها صارت مرتاحه وبشوشه يا رب....

صدقيني عزيزتي عدوانيتها وعنفها وانطوائيتها وكرهها للمجتمع ما هي الا ردة فعل لاحساسها بانك تعاملينها غير عن اخوانها....

لا تلومينها اذا ما حبت تختلط بالناس
ولا تلومينها اذا عاندت
او حتى تبولت في فراشها

انتي ان شاءالله بتصححين الوضع (تحتاجين الكثير من الصبر وطولة البال)، و ان شاءالله كل هاذي الأمور السلبيه فيها بتزول مع الوقت

واذا مسألة التبول اللارادي ما تصححت مع الوقت، اعرضيها على طبيب فورا

فقط امنحيها الأمان والثقه والحب

الله يوفقك

وطمنينا بموضوع ثاني، لا تنسين :)

النمنم ..
واحة حواء
غريبه في الغربه
ريحانة الجنه
ام حبايبي
لجين
لين محمد السديري
وسن
ام نوره
قلبي عليك التاع
اجوديه
هلا والله فيكم كلكم واسمحو لي بنات ارد عليكم مع بعض ....
بنتي .. انا اسولف معها واشاورها باشياء كثيره .... بس هي احيانا يجيها ضيقة صدر يصير مالها نفس ترد علي ويالله ترد وتصد عني بوجهها على جنب ... وانا اتضايق وادري ان حالتها بهالفتره تصير سيئه
بس وش اسوي اتركها فتره واقولها وسعي صدرك...ودايما تزعل بدون سبب فجاه كذا ...
وهي على فكره لها اخت اصغر منها مباشره مو كلهم اولاد ... وكلهم مافيه فرق بينهم اعمارهم متقاربه ..
وهي فعلا حساسه مره مره تزعل بسرعه
والدكتور النفسي مابي اوديها اخاف تتعقد ويرسخ بذهنا انها مريضه من الصغر....والله اني بحاله الله بها عليم مابين لوم لنفسي ومابين وش اسوي معها ومابين احيانا اعصب منها ودي اهوشها واحيانا ارحمها واحس انه تصرفها غصب عنها .. واحيانا اقول يمكن مو انا السبب هي الله خلق طبعها كذا او فيها عين والله مدري انا بحيره ....
بس الصراحه ان ردودكم الله يجزاكم خير ويفرج همكم ..حسستني ان علاجها بيدي وهذا ريحني كثير وان شاء الله ابسوي كل نصايحكم وابعطي نفسي مده محدده واغير معاملتي وابضغط على نفسي واتحملها واتحمل عنادها وتعصيبها علي وملاحقتها لي وابحاول اعطيها ثقه وابسوي كل شيء .. وابشوف اذا تحسنت بعد هالفتره فهو فعلا انا السبب والحل بيدي ..والفضل لله ثم لكم ..ويارب ان الله يشفيها وتصير مثل اختها واخوانها ..يالله يارب ياكريم .. وان الله لا يقدر ماتحسنت فانا ما ادري وش ابسوي ..
بس الله يخليكم ابيكم تدعون لي وتدعون لها بالليل واللي ماتصلي بالليل تدعي لي اي وقت تكفون والله ماعمري شكيت حالتها لاحد الا لكم وشايله همها بقلبي ... وعلى فكره تذكرت اللي سالت عن ابوها ابوها مثلي نفس معاناتي معها يجيه اللي يجيني منها ...بس ماشاء الله عليه هو اوسع صدر مني ويتحملها كثير واحيانا لاوالله يمل و يعجز ...بس هي ماهمها هو والله لو يبوسها ويدلعها ليل ونهار ماتبي الا انا ...انا اللي تصرفي ياثر بها سواء معها اوضدها..
الله يجزاكم خير ويوسع صدوركم ويرزقكم ماتمنون ...ويفرج همومكم وييسر اموركم اللهم امين