اه يا مطر الصباح ذكرتيني بحالتي انا وبنتي لكن بنتي عمرها15 وكانت ممتازه في المدرسه ودحين ميستواها نازل وتحب تعاندني في كل شى حتى الدراسه تقول ليش اجيب امتياز يكفى مقبول وهي اجتماعيه ولها صداقات بس بيني وبينها مافيه حوار وانا جافه معها وعمري ماضميتها يمكن لاني جبتها وانا عمري 16 والله والله انه نفسي اضمها بس ما اقدر اتمنا تعطوني اسماء كتب لدكاتره متل الدكتور ميسره وغيره وشكرا

أن الله لا يغير ما بقوم حتى يغيروا ما بأنفسهم

أنتي غيري اللي بنفسك .. لا تقولين ما قدرت أضغطي على روحك وتذكري أنك أم لهالبنت ..

وباللحضة اللي تحسين أنك بعيدة عنها .. غمضي لحضة وتخيلي أن ربي أخذها منك .. بسم الله على

قلبها الرحمن الرحيم .. لا تودينها طبيب قبل ما تودين نفسك .. وآسفة يالغالية على هالكلمة ..

أنتي اللي تقولين أن معاملتي مع أخوانها غير .. أنتي اللي تقولين أحس أنها بعيدة عن قلبي ..

يعني المشكلة فيك مو فيها ..

أختي أنتي عندك بنت محتاجتك أكثر من غيرها .. وكثير من الأبناء .. يحسون بتفضيل أهلهم ..

لكن للأسف قليل من الأمهات .. اللي ما تحس في بنتها رغم أنها الأقرب لها من أخوانها ..

أسمحي لي على كلامي بس مرررررررة متأثرة على بنتك ....

ونصيحة لوجه الله .. لا تسيطر فكرة العين على راسك .. لأنها

ما راح تنمحي .. العين حق .. وبنتك تبارك الله فيها أشياء ممكن تلفت النظر .. لكن العين ماهيب

شماعة نعلق عليها أخطائنا أو تقصيرنا .. كثير وأنا أختك .. عيالهم مثل القمر تبارك الله .. ويملكون

كل الصفات اللي ممكن تلفت الأنظار لكن .. ربي حافظهم بحفظه .. ومسخر لهم أهلهم ..

يشكلون لهم شخصية مستقرة وسليمة ..بنتك مثل ما ذكرتي .. الناس صاروا يشوفونها أقل من

غيرها رغم أن عندها أيجابيات كثيرة .. لكن تحطمت شخصيتها .. وما قدرت تساعد نفسها ..

شوفي يالغالية .. بما أنك فتحتي الموضوع هذا يعني أنك جادة وحريصة على بنتك ..

فتداركي بنتك من هاللحين دامها صغيرة .. وممكن تواجهينها أنتي بلا طبيب نفسي ولا شيء ..

وبعدين .. حاولي تطلبين من أبوه يراعيها .. ويكرمها ويحتضنها .. البنية ضايعة بينكم ..

لا تخلينها الله يستر بعد ما توصل للمراهقة تدوره عند غيركم ..

والله الأمور تبدأ صغيرة وبعدين تطور .. وساعتها ما تقدرين تسيطرين عليها ..

أطلبي من أخوانها يراعونها أذا أنتي ما قدرتي على نفسك .. أطلبي من الكل أنه يحترمها بحكم أنها

الكبيرة .. حاولي تعوضين النقص اللي عندها بمبادرات منك .. كثري شراء الحاجات اللي تسليها ..

قصص أو ألعاب حتى لو كانت بسيطة .. ربطات شعر .. كروت .. أن شاء الله نجمات أو قلوب حب ..

أذا شفتيها مثلا حطيها على جبهتها .. بوسيها ... قولي لها هذي علامة حبي لك .. لأن دايما الأشياء

المحسوسة أفضل من المعنوية في هالعمر .. أقعدي معها لك يوم .. وأكتبي أسمها على ورقة ..

وقولي لها يا حلوا أسمك .. شعرك .. أنتي شاطرة .. أنتي وأنتي .. هالشيء يزيد ثقتها بنفسها ..

دخليها معك المطبخ .. علميها تسوي حاجات بسيطة وتساعدك فيها ..

كمان أحضنيها .. لا تقولين كبيرة وما تعودت .. أكسري هالحاجز اللي بينك وبينها .. مرة ومرتين

وثلاث .. وراح تشوفين الفررررررق بأذن الله ..

هذا اللي أذكره رغم أني أكتب لك وأنا أحس بمرارة عليها .. الله لا يخليكم من بعض .. ويحنن قلوبكم

على بعض ..

مالك الا توديها لشيخ وبس

وإذا منتي حابه تقولي لها بأوديك لشيخ خذيها معاك كأنك رايحه للشيخ علشان نفسك مو علشانها
وخلو اتصال بينكم وبين الشيخ اول شي مثلا ايوها يكلم الشيخ ويفهمه الحاله او انتي يصير إذا رحتو يركز عليها بالقراءه وصدقيني راح تتحسن بنتك مافي احلا من كلام الله من ناحية التبول وانتو بكرامه فهذا يعني ان داخلها خووووووووووف شديد

((إنـــي أجيـــــب دعــــــــــــوة الداعــــــــــي إذا دعــــــــــــــا)) ادعو لها يابنات

اولا الله يحنن قلبك ان شاء الله وتتغير بنتك للافضل,,,,,,,,,,,,,,,,,
الانطوائية سببها خوفها من اختلاطها مع الناس تخاف احد يغلط عليها او يجرحها لانها تتوقع ان البعاد ماراح يكونون احسن منك وانتي قاسية شوي معها,,,,,,,,,,,فكيف الغريب عنها؟؟؟
نصيحتي لك خليكي وسطية مع اللكل وخصصوصا مع اخوانها اللي يخطي عاقبية واللي يسوي شي صح امدحية وكافئية وهي من ضمنهم عامليهم سواسية ,,,,,,,,,,,,,,,,,,,
اللي فيها من التفرقة بينهم واحساسها بانك تتغاضين عن اخوانها وهي لا ,,,,,,,
انتي مشاعرك ناحيتها سببها احساسك بانها كبيرة والمفروض تصرفاتها اكبر من كذا وهاذا الكلام ينطبق على بنات كثير وفعلا يكبرون وتلاقينهم مو على سنهم بس البعض لا ويحن لطفولتة اكثر من اعتمادة على نفسة,,,,,,,,
اذا حسيتيها عصبت خليك عادي اتوقع تسوي كذا عشان تهتمين فيها اكثر خليها تحس انك تهتمين فيها بدون حالات الزعل والعناد اذا شفتيها تعاند لاتصرخين وتتنرفزين لكن خليك هادية وصدقيني مع الوقت بتتغير ان شاء الله ,,,,,,,,,,,,,
حاولي ماتفتحين معها سالفة الاكتئاب او القراية او سبب حالتهااو تسمعك تتكلمين مع ابوها عنها لانك بتزرعين هالشي في نفسها وبتصدق ان فيها شي
وبتقعد طول عمرها تحس ان فيها شي او مرض تجاهليها اذا بدت الحالة وارجعي بعد فترة وتكلمي كان شي ماصار ,,,,,,,,,,,,,,
التبول مشكلة نفسية بالدرجة الاولى وسببها الخوف او عدم الثقة فالنفس وان شاء الله توقفها اذا تحسنت حالتها النفسية ,,,,,,,,,,,,,
حاولي تشاورينها بالنسبة لاخوانها وحسسيها انها الكبيرة وانك تعتمدين عليها انها تهتم باخوانها معك واذا احد غلط تصلح الغلط او تدرسهم مثلا كذا بتخف
مشاعر الغيرة ناحيتهم وبتحس انها مسؤلة عنهم,,,,,,
الله يسخر قلبك ويحننة ويهديها ,,,,,,,,,,,,,,

والله انا اتوقع انتي الي يبيلك علاج لازعلني مني..الحمدلله الذي عافانا مما ابتلاكم
استغرب منك انك تطنشينها وتهاوشينها وماتضمينها وتبوسينها ودايم تسفهينها وتتعوذين من بليس اذا جت عندك وتقولين السبب مو مني؟؟؟؟؟؟؟؟؟؟؟؟؟؟؟؟؟؟؟ اجل من منو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب اذا هو مو منك ليش ماتسوين كذا مع اخوانها ليش هي الوحيده تعاملينها بقسوه والباقي لأ؟؟