حزن في سجن انيق...هلا فيك .. مشكوره على الدعوه .. والله يساعدك ويساعدني ويعين جميع الامهات على تربية عيالهم تربيه صالحه وسليمه من دون عقد ومشاكل نفسيه والله يسامحنا ولا يواخذنا .

حبيبتي بنتك تبي حنانك تبي اهتمامك تبي عطفك بنتك حاسه بعدم حبك لها وعدم اهتمامك تحس انها ممكن تفقدك بأي وقت عشان كذا تلاحقك من مكان لمكان تحاول تجذب اهتمامك بأي وسيله عشان كذا دايم تعبانه (ماتحب الاكل... احيانا تاكل واحيانا لا ... ودايم يوجعها شيء مره راسها ومره بطنها ومره رقبتها ) حاولي تكونين حنونة معها حسسيها بحبك لها حسسيها بحنانك حرام عليك اللي تسوينه فيها وتسوينه بنفسك هذي بنتك المفروض تصير من أقرب الناس لك ولما تجيك في المطبخ أو في غرفتك لا تطنشينها لا بالعكس أبدأي أنتي معها بالكلام أبدأي انتي معها بالضحك حرام عليك والله حرام البنت محتاجه حنان كيف تبينها تكون طبيعية وتحب الناس وهي حاسه أنه أمها أقرب الناس لها مب طايقتها !!! اللي بيجي في بالها أجل أكيد الناس بعد ما يحبوني أكيد أنا ممله أكيد أنا شريرة ... أفكار كثير عن نفسها وكلها للأسف سلبيه وهذا اللي يخليها عدوانيه مع الناس وما تحب تتكلم معاهم أنتي مصدر الحنان والأمان بالنسبة لها أنتي المرايه اللي تشوف فيها نفسها عشان كذا ما تتكلم الا معاك أنتي هي بالفطرة تحبك عشان كذا تبي تشوف اذا انتي تقبلتيها وحبيتيها وحسيتي انها انسانه كويسه وتنحب معنى هذا أنه الناس أكيد راح يتقبلونها ويحبونها وراح تتغير معاملتها معاهم حبيبتي أنتي من غير ما تقصدين حطمتي بنتك وحطمتي ثقتها بنفسها وحطمتي ثقتها بالعالم كله من حولها لا تقولين لها سولفي مع ابوك مع أي أحد لو حتى مع الشغاله لا خلاص انتي اسمعي لها وتفاعلي معها بالسالفه حتى لو كانت السالفه ممله بالنسبه لك لا تحسسينها بكذا وهي شوي شوي راح تحس أنه سوالفها ممتعه و أنه ممكن تتكلم مع أحد ثاني من غير أنتي ما تقولين لها هالشي وبالنسبه للعناد طبيعي جدا جدا جدا في عمر بنتك بنتك في بداية سن المراهقه وصدقيني لو ما صادقتي بنتك وكسبتيها الحين راح تفقدين ثقتها للأبد وراح يجي يوم تتمنين أنه هالأيام ترجع عشان تحسنين معاملتك مع بنتك و أنا أنصحك أنك تقرين كتب عن التعامل مع المراهقين وعن التربية واسمحيلي أقولك أنه السبب في اللي صار لبنتك أنتي ومافي أي سبب ثاني مافيه أحد ينولد عدواني والا يكره الناس هذا أشياء الواحد يكتسبها من البيئه اللي حوله ومن التربيه ومن الأهل اتقي الله في بنتك ولا تزعلين من كلامي

السلام عليكم ورحمة الله وبركاته

عزيزتي مطر الصباح الله يحنن قلبك على بنتك وانا اعتقد ان بنتك طبيعيه بس تبي حنان يعوضها عن كل شئ والا خوات ما قصروا في النصائح وجزاهم الله خير واعتقد انك انت في حاجة علاج نفسي وليس بنتك

راي اول شي انك تغيرين نفسك ومعاملتك معاها لانو هذا السبب اللي يخليها كذا لانها تحس نفسها منبوذه بعدين لها 5 او 6 سنين حرام عليك دوبك تدورين حل
الله يشفيلك بنتك يارب

الله يشفيها يارب ويفك ضيقتكم

حولي تغيري اسلوبك معها حسسيها انك قريبه منها

رجعي لها الثقه بنفسها