بنتك ان شاء الله مافيها الا العافيه بس حنني قلبك عليها هي محتاجه لك بهالمرحله خليك واياها واستشيريها في بعض الامور خليها تحس انك مهتمه برائها ولاتنسين قبل ماتطلعين من البيت حصنيها بالقران واثناء النوم اقري عليها والله يخليها لك ويحفظها وتشوفينها عروس يارب.
حبيت اسألك هي بنتك الوحيده بين الاولاد؟

هيفا
البندرين
فوز
هلا فيكم كلكم ...... ومشكورين
وكل اللي قلتوه بعضه اسويه من حيني...وبعض النصايح بديت اسويها من الخميس اللي فات ...يعني اليوم لي اسبوع ...
اطلعها ..استشيرها ...اشتري لها... اسولف معها ...كله واكثر....بس بنتي هذي هي .. يمكن اول الايام حسيت انها صارت اكثر فرحه بس امس واليوم وقبل امس طفشانه بالمره حزينه وبس تململ وتتنهد كل شوي بصوت عالي ..ويالله تمشي كنها هزيله ...
هذي هي الحاله اللي قلت لكم تجيها ... يعني تمر بعض الايام بسلام تسولف وتضحك وبعض الايام تكون حزينه مررره وماتستمتع باي شيء وبس تدورني واذا لقتني تقعد عندي وتسكت قبل شوي كنت قاعده اقرأ كتاب بغرفتي جتني وقعدت عندي وسكتت..انا مو مهم عادي تجي عندي ...بس مابيها ماتتعرف تتواصل الا معي ..ابيها تسولف مع اختها مع ابوها تفرج على التلفزيون تلعب كمبيوتر..ابيها تعرف تونس نفسها مو تستسلم لضيقة الصدر ...يارب يارب يارب املي بك كبير ورجاءي بك وبرحمتك ماراح ايأس منه الى ان اموت انك تشفي لي بنتي وتدلني الى التصرف الصحيح
ادعو لها الله يخليكم ويجزاكم خير ويوسع صدوركم ويفرج همومكم ويرضى عليكم وادعولي معها ...

مطر بنتك يمكن محتاجة لشي يشغلها في وقت الفراغ ,,,,,,,,,
وفية شي ثاني الانسان اللي كل شي يتلبى له يحس بملل لان مافية هدف يتعب عشانة ,,,,,,,
يعني مو شرط كل شي تبغاه تجيبينة لها من باب احساسك بالذنب اشوف هالتصرف غلط,,,,,
خليها تتعب لين تاخذ اللي تبغاه كذا بتحس بطعم وبهدف كل فترة,,,,,
حاولي تخلينها تقرا كتب حلوة او تتعلم شي يشغلها,,,,,,,,,
نسيت اقولك لاتعلقين على سكوتها او وحدتها قدامها لانها بتزيد واذا كانت في غرفة لحالها خليها مع اختها لانها غصب بتسولف معها من مقابلها ,,,,,,,,,,

الله يصلح حالها ان شاء الله وصدقيني فترة وتعدي ان شاء الله ,,,,,,,,,

الله يحنن قلبكم على بعض انتي زرعتي المشكله فيها حنانج علاجها تداركي الموقف بسرعه واحتويها حاولي تعوضينها سوي معاها شغلات علميها الطبخ هوايات الخ

موج
هلا فيك..... المشكله انها اذا ماترضى تسوي شيء... اذا جتها ضيقة الصدر خلااااص يجيها ملل وسكوت وعصبيه وعناد ... ودايما اذا شفتها كذا احاول اطلعها من هالحاله واشغلها ماترضى ..اليوم جبت الورقه وقلت من يلعب معي جت اختها تلعب ..وهي ساكته وقلت لها تعالي العبي معنا عيت قالت لا وصدت بوحهها عني كاني مزعلتها وانا ماسويت لها شيء .. احترت معها ما ادري وشلون تبيني اعاملها الله يصلحها ..
اما من ناحية انه المفروض ما نلبي لها كل شيء ...والله انا مثلك نفس راايي بالنسبه لها ولاخوانها بس ابوهم مايسمع كلامي .. يبي يفتك من طلباتهم..لانه فعلا اي واحد يحس ان اي شيء يبيه سهل يجيه سبحان الله مايفرح فيه مره ولو فرح فيه تصير مؤقتا وبعدين خلاص هالشيء يصير مايهمه...
الله يعين ويهديها ويوسع صدرها وانا يصبرني و يقدرني على معاملتها مثل ماتبي
الله يسمع منك يارب تكون فتره وخلاص .. مشكوره الله يجزاك كل خير ويرضى عليك.
حسبي الله العظيم ...هلا فيك.. والله مدري يا اختي هو اللي فيها فقد الحنان ولا لا ...والله اني صرت اقول لنفسي ياليت يكون مافيها الا كذا .. باذن الله سهل حله .. وان شاء الله ابعوضها عن تقصيري معها ..انا اخاف يصير عندها اكتئاب ولا عين ولا....... مدري والله ... الله يستر بس ويطمني عليها
مشكوره والله يجزاك كل خير ...
الف شكر للجميع اللي على العام واللي راسلوني على الخاص ..الله يجزاكم كل خير على مشاركتي مشكلتي ومساعدتي بحلها ..