عفوا اختي بنتك محتاجه لكثير من الحب الحب الحب الحب الحب ضميها لصدرك بوسيها كثير كان ولدي زي بنتك عدواني واعطيته الحب وتغير تغير بمعنى الكلمه

بنت دلال .. تو يوم سالتيني انا كلمته ؟ رحت ابكلمه وطلعت الرقم.. بس عجزت اتصل .. ترددت و استحيت مدري وشلون ابدا..بس باذن الله بكرى ابكلمه .. وبعدين متوقعه يقولي نفس الكلام انها محتاجه حنان ..وهذا انا باديه معها بالعلاج وهالطريقه .. بس هي تساعدني ... يارب تسهل الامور
في 99 هلا فيك ..الله يصلح الشان ..ومشكوره والله يطمنك على ولدك وان شاء الله تشوفين فيه ماتتمنين ..
الحلوه .....هلا فيك ... ياقلبي انتي ومشكوره على نصيحتك بس والله انا احاول قد ما اقدر ما ابين لها هالشيء .. بس هي تحس اني اقسو عليها واني اعاملها غير اخوانها ..مدري وشلون لاحظت!!!!
وانتي اعذري امك اكيد انها تحبك مثلهم مافيه شك ..بس يمكن ماتبين لك ..وتعا ملك انك الكبيره ولازم تتحملينها وتفهمينها زين ...وماشاء الله عليك قدرتي تتخطين هالمشكله وتحلينها بنفسك ..الله يديم عليك ويسعدك بحياتك.. انتي من متى لاحظتي هالشيء من امك ؟؟؟ من وانتي صغيره؟؟ ولا توك؟؟
شكرا لكم

ام علولي ...هلا فيك ...الف شكر لك والحمد لله اللي حل مشكلة ولدك وعقبالي انا وبنتي والله يهديها ..وباذن الله انا باديه معها بهالطريقه ..الله يسهل علي والله يهديها ..ومشكوره الف على النصايح
الله يجزاك كل خير ويسعدك بالدنيا والاخره .

ودي اسالك احساس النفور من ناحيتك من جبتيها والا فجأه لانك تقولين يمكن عين
الله يصلح الحال صراحه اثينكم كسرتوا خاطري انتي تعبانه وهي مثلك
اللهم ياحي ياقيوم ياذا الجلال والاكرام انك تصلح حال اختنا مطر الصباح وبنتها امين

انا من رايي حبيبتي انك انت وابوها اللي تروحون لأخصائي نفسي وتعرضون المشكله عليه ( بدونها )وتمشون معاه بطريق العلاج حتى لو طول لا سمح الله لأن اشوف السبب منكم مهملينها من عمرها 5 أو6 سنين , وبعدين لو انتي شعورك وتصرفاتك كذا معها وين ابوها يعوضها؟؟
بنتك تحاول تلفت نظرك لها وانتي ولا انتي هنا تتبول لا ارادياً بالليل نتيجه عكسيه لوضعيه نفسيه سيئه سيئه ( يابعد عمري ما عرفتي قيمتها)حتى في نظري 12 سنه طفله , وبعدين لما تصلين ناديها تصلي معك ,خليها تساعدك في البيت وعلى اخوانها ,حسسيها انها بدت تكبر , خليها تروح لصديقاتها بالمدرسه وهم يجونها ( برقابه منك ما تلاحظها)ولما تنام اقري عيها وادعيلها , وكلي تفاؤل ان شاءالله اقرالك موضوع ثاني تقولين ابشركم بنتي تحسنت . آمين يارب.