اقري عليها ليلا سورة البقره والله يشفيها

بنت دلال ..... مشكوووره الف على الموقع ... الله يجزاك كل خير
عميدة كلية الفلسفه
هلا فيك ... ومشكوره على نصايحك وفعلا انا باديه اسويها مع انها احيانا ماتساعدني اني اسوي لها اي شيء ..والدكتور النفسي انا مستحيل اوديها له لان الروحه له بحد ذاتها تمرض خاصه للاطفال اللي مايفهمون ..الله لا يحدني له ...وان شاء الله ابعالجها بنفسي بس ادعو لي ولها ...وانا دايما اوديها للمكتبه واخليها تاخذ كتب وقصص وتاخذ وتقراها اول شيء وبعدين خلاص ماتعيدها ...الله يعافيها يارب ..
مشكوره والله يجزاك كل خير ويرضى عليك
تولان
هلا فيك .... لا والله ماتشبه احد... وياليتها كانت مثلي يوم انا صغير ه كان اكبر همي اللعب والطلعات ماكنت اغار ولا ازعل ابد ابد ابد ولا كنت اعصب على احد ..كنت مرحه ومرتاحه نفسيا ..
كل نصايحك اشكرك عليها وباذن الله ابستمر فيها اما من ناحيةالسوالف المشكله انها ماتسولف الا معي ...ابيكم تفهموني ودي انها تصير علاقتها مع اختها زينه ويسولفن مع بعض او مع ابوها ...انا ماهمني تسولف معي مع اني احيانا اصير مشغوله ..بس عادي اذا صار عندها شيء اسمعها ..بس اذا صارت كل شيء تبي تقوله لي انا وبس صعبه والله ...تخيلو حتى اذا قعدنا جميع كل العائله عند التلفزيون تقعد بالعكس يعني تلقي التلفزيون وراها وتخلي وجهها لي سواء عندها سالفه او لا تقعد تناظرني وبس وانا مشاعري عكسها ياربي مدري ليش؟؟؟ كان فيه شيء ينفرني ويبعدني عنها
مشكوره يا اختي والله يسعدك ويرضى عليك
snow fever
هلا فيك ...ومشكوره على الدعوه الله يجزاك كل خير
ام البنيه المزيونه ...
هلا فيك .. مشكوره والله يجزاك كل خير ..وباذن الله
بنات الله يخليكم ادعو لها

يا اختى ممكن اسالك سؤال كيف شكل بنتك حلوة ولا لأ ، وكمان الظروف يلى جبتى فيها بنتك ، يعنى علاقتك بزوجك ، او هل كانت ولادتك ببنت لها اثر فى نسفك او نفس زوجك
لانه اختى ماف ى ام على وش الارض تكره اى طفل من اطفالها الا لسبب معين ، وحتى ان كان يوجد سبب انابراييى لا يوجد سبب
اغلى واروع ماف ى الوجود ال\ضنى ، بتصدقى انه من وقت جبت ابنى وانا بحس حياتى ابتدت ماب قدر نام قبل ما شمه وضمه ، لك حتى اذا بدى حطه بتخته ما بقدر نام بخليه ينام جنبى ، عاطفة الامومة ماف ى اى قوة بالارض تخليها تكون جافية او قاسية
لكن انا ما بعرف ولا غيرى بيعرف ظروف حياتك ، بس يا حبيبتى انتى اكيد بتحبى بنتك بداخلك بس فى شى معين سبب لقسوتك فيه
يا ريت تخبرينا فيه

لوليا ...هلا فيك..وبنتي نعم حلوه ماشاء الله والحمد لله ..وظروف ولادتها الحمد لله ظروف طبيعيه جدا.. وعلاقتي مع ابوها ممتازه..
والله يا اختي لو تشوفين معاملتي لاخوانها كان تقولين لي انتي احن ام بالعالم ..والله اني اجلسهم بحضني وابوسهم مع كل مكان واوكلهم بايدي مع انهم مو صغار بالمره يعني 7 و5 سنوات وما اخلي الشغاله تلبسهم ولا تحممهم .. كل شيء انا اسويه لهم ..واذا تنبهت من النوم بالليل اروح واشوفهم متغطين ولا لا..واذا بكو امسح دموعهم بيدي ...والعب معهم واسوي نفسي طفله زيهم علشان يضحكون وغيره كثير من مشاعر الامومه.. اكيد حسيتيها وتعرفينها ......بس بنتي لا غـــــــــــــير ..مع اني ما اكرهها بس ماعطيتها مثل ماعطيتهم من حنان وحب ولو عطيتها يكون مصطنع ومو من قلب وهذا اللي محسسني بالذنب واللوم ليش هي لا؟؟؟ ...وانا ماكتبت المشكله ونشرتها الا لاني فعلا شفتها مشكله عجيــــــــــــــــــــــــــــــــبه وعجزت افهمها واحلها لحالي وابي لها حل..يعني اقول لنفسي لو انا كذا معهم كلهم كان عادي هذا طبعي ماتعجبت منه ..لكن ...كأن عيالي الباقين اخذو كل الحنان والحب وهي لا شيء علاقتي معها رسميه وماحس بحنان تجاهها مع اني ماأبين لها ولا اقسو عليها والله اني مخليتها على كيفها كله علشان ماودي اهوشها .. كله بقلبي.. احاول اعاملهم زي بعض بس يمكن هي تلاحظ واتفاجأ اذا قالت لي انتي تحبينهم اكثر مني وماتحبيني ... ليش كذا؟؟؟ انا شاكه وخايفه وحاسه ان فيه بيننا حسد او عين ..الله يستر ..
او لانها عصبيه وعنيده وماتبي احد يامرها وينهاها ..صرت اتجنبها علشان ماتزعل ..
الله يحل حيرتي وهي يعافيها ويهديها
وانتي ياختي الله يجزاك خير ويسعدك ويحفظ لك اولادك والف شكر لك

مطر الصباح بشرينا ؟؟؟؟


وش صار على بنيتك ؟؟؟؟؟؟

الله يؤلف بينكم يارب


بس تكفين لا تخلين الشغالة تجي بنتك ولا تجي أغراضها ترا مالهم أمان

يمكن بعد تقعد البنية تشكي لها وتعرفين عاد الشغالات وألاعيبهم يمكن تحاول تسحب البساط

عاد هالأيام اختبارات حاولي تقربين منها أكثر يا عمري والله رحمتها يوم فرحت إنك مشطتي شعرها

على العموم أعاننا الله على تربية الأبناء فهم حقا أمانة عظيمة ..

وأحب أشكر الجميع لأني فعلاا استفدت من مناقشتهم ............



بس أمانة خليك مسؤلة على بنتك لا تخلين الشغالة تتدخل ............