انا وحده مثل بنتك
احس ان امي تحب اخواني اكثر مني ولا تحسسني بحنانها ابد مع انها مو شريرة لكن ما احس اني بنتها وكنت في عمر بنتك والله اني اساعد واسوي لخواني اللي اقدر عليه كنت اشارك امي مسؤليتهم ولا كني من عيالها وكنت ابيها عالاقل تمدح اللي اسويه لكنها ما تهتم وكأنة فرض علي ولم تزفني اذكرها بالاشياء اللي اسويها ولا تتذكر ولا يهمها وصرت انا دايما انتقد امي واصارخ وابكي وهي ما يهمها وتقول انتي بس تتذكرين الاشياء الشينة وما تتذكرين اني اشتريلك كذا وكذا وانا ما ابيها تشتريلي ابيها تحضني تمسح دموعي تحبني بس ما ابي شي ثاني ابي احس ان عندي ام لاني اشوف الام بالتلفزيون وامهات البنات اللي معي شلون ينامون بحضن امهاتهم وابكييييييييييييي ولا احد حاس باللي فيني وانا ما احب اتهاوش معاها بس مو بيدي ولم كبرت اكثر صرت اتوجه لمدرساتي اللي غمروني بحنان الام والاخت وصرت احبهم اكثر منها واتكلم معاهم اكثر منها واشكيلهم ويسمعون لي وكنت اتمناهم يتبنوني وكلهم يتمنون بناتهم نفسي وانا اقول لامي ان مدرساتي يبون بناتهم يصيرون نفسي ابيها تنتبة لي بس كانت تقول هم ما يشوفونك بالبيت معنى والله مثل العسل وحنونه واحب الناس بعدها مرضت مرض شديد واستغفرالله فرحت عشان ابي تلتفت لي وافرح لانها هي اللي موديتني للطبيب وتسأل عني بس نفس الشي يمكن هي عندها مشكلة في التعبير عن مشاعرها لكن لم صرت في عمر الزواج اتمنى بس الله يزوجني واحد يعوضني عن الحنان هذا كلة قولوا آآمين..
ونقطة لك يا اختي ترى المراهق يحتاج 14 ضمه في اليوم فشوفي انتي كم مرة تضمين بنتك كنت اتمناها من امي واللحين هي المفروض تحضني 40320 مرة لكنها ما حظنتني ولا مرة

هلا اختي------
حاولي تعرضينها علي شيخ يقرا عليها يمكن تكون عين جررررررررررربي ودعيلي

حبيبتي انتي سبب التبول الااردي اللي يجي بنتك في دكتور طلع بالتلفزيون يقول ان كل ام واب يفرق يسى على ابنه يصيبه خوف وهلع وتبول لااردي
وانتي لالاسف جنيتي على بنتك بتصرفاتك هذي وقسوتك عليها حرام عليك انتي مسوله عنها يوم القيامه عند رب العالمين هذي انتي امها وتسوين فيها كذا اجل لو انك مرت ابوها وش بتسوين
لازم تضمينها وتسولفين معها هي في عمرها ماتدور تلفزيون ولا تدور سوالف مع الشغاله وابوها
هي تبغى تسولف معك انتي لازم تضحكين معها وتضمينه كل يوم عشر مرات
على الاقل
ولازم تعترفين بخطاءك موعيب اذا اعترفتي قولي للها انا اكتشفت اني مقصره او حلمت حلم لما فسرته اكتشفت اني قسيت عليك كثير هذا بيرجع لها ثقتها اللي دعستي عليها وحرمتيها من كل شي
لالاسف انتي ام مااقدر اكمل اكثر من كذا لان دمي فار من اسلوبك الهمجي مع بنتك
ترا بنتك اخرتها بتروح مستشفى المجانين والسبه انتي
لاتزعلين علي اني قسيت عليك انا ابغى مصلحتك قبل لاتهج البنت من البيت او تنتحر
وتر الانتحار ينتشر بين مرحله المراهقه بسبه قسواه الاهل
حررررررررام \عليك فسحيها اشتري لها مكياج خليها تمكيجك واجلسي معها وخليها ترسم موديل لمريولها او فستان نفسها تفصله وشجعيها على احتيار اغراضها بنفسه ولا تحرمينها من شي لان الضاهر ان بنتك تعاني من حررررررررررررررررررررررررررررررمان كبير في حياتها
حاولي تقولين لها هذي طلعه السوق مخصصه لك وانتي اميره اليوم واشتري اللي تبغينه حسسيها انها كبرت ومعد هي بزر تسولف مع البزران والشغاله زي ماتسوين انتي
تدرين ليه ماتفرح بهداياك لانك تجبين لها شي كبرت عليه
حاولي تجبين لها اشياء مراهقات احزمه صنادل كعب اكسسورات بنات كبار شنط كشخه مو شنط باربي وبنات صغار
شوفي ترا صديقتي بنتها نفس مشكلتك وماتقدر تحبها ولا تخمها ولا تققدر تبوسها ونفسها تعاملها زين ماتقدر وتحب اخوانها اكثر من بنتها اخر شي بنتها جاها تبول لااردي
وصرات نفس شخصيه بنتك واللحين جاها صرع ولما راحو فيها لدكتور هزئهم تهزيه هي وزوجها بسبه قسواتهم معها لانها هي اللي دهورت البنت وضاعت بسبتهم
تدرين وش اكتشفت اكتشفت ان بنتها اللي عمرها 12 سنه تغازل بالتليفون واحد كبر ابوها لان عندها حرماااااااااااان عاطفه فراااااااااغ عاطفه مالقت من يعبي هالفراغ اللي عندها لجئت للغرب
الله يستر على بنتك منكم

طمنينا علي بنتج حبوووبه

قريت القصة وما قريت الردود بس أبقولك شي

ياااااااااليت إن عندي بنت وأحبها وأهتم فيها

انتي عندك نعمه فحافظي عليها واحمدي ربك عليها وعودي نفسك على حبها وكل يوم لميها لصدرك ترى كثير من الناس يتمنون يضمون أحد لصدرهم

الله يعافيها ويحميها