السلام عليكم جميعا يا امهات يافاضلات...
انا ياطويلات العمر بنتي عمرها 3 سنين ماكملت شهر من كملت ال3 يعني ماشيه في ال4
المشكله مادري انا مبالغة والا لا... بس ملاحظة ان تطورها في الكلام مرره ضعيف والناس ملاحظة مره خاصة ان اسم الله عليها جسمها اكبر من سنها وكلن يكلمها كانها كبيره ويتوقع رد وهي ماهي حول احد :09:
يعني تفهم علي وعلى ابوها بس ماتعبر زين ولا تقول جمل طويلة
مع انها اسم الله عليها حافظة الفاتحة وقل هو الله احد قصدي يعني جمل كثير ورا بعض ومن زمان بعد حافظتها من قبل تكمل ال3 بس تحاول تسمع وتنتبه على مزاجها وفيها عباطه شوي ....
المهم قمت اتصفح وعجبني موضوع عن مؤشرات اللغة لكل سن وهذي من 3-4 وقلت اطبقها على بنتي واشوف
وياليت الي عندها طفل بهالعمر تسوي نفس الشي ونشوف
===========================
مؤشرات اللغة والكلام من 3-4 سنوات:
- إطاعة أمرين.
مافهمت بالضبط وش قصدهم بامرين بس عموما تسمع لي وتسوي الي اقولها سواء امر ولا امرين بس مو كل شي حسب فهمها
- يعطي اسمه عبر مقطعين.
للاسف تقول هناء وبس ويالله بعد
- إجابة أسئلة منطقية مثل ماذا نفعل عندما نجوع.
ابدا
- يستخدم نحوا مقبولا (جمع/نهايات الكلمات/الأفعال) غالباً.
احسها بدت تجمع وثني بعض الكلام حسب بس قليل
- يخبر قصة موجزة.
تقول بس كان ياماكان ..كان فيه ارنب يقول تشك تشك تشك خخخخخ بس
- 3-4 كلمات في الجملة.
نادرا
- فهم بطيء/سريع.
حسب
- يفهم الخطأ في الصور.
لا
- إعادة رواية قصة 3-4 أحداث.
لا
- مفهوم اثنين.
مافهمت!
- يستخدم صيغ الأمر.
تقول عطيني هذا وجيبي هذا و ودي هذا نفس اومري لها ههههه
- يجيب ماذا. أين. لماذا?
نادرا
- فهم سؤال من - ماذا?
مو كثير
- الاستمرار بمحادثة لمدة 10-15 دقيقة.
ابداااااااااااااااااااااااا
- التعرف على دائرة - مربع.
لا
- يفهم الفرق بين اسم - لون.
تقول الوان...وهذا لون ايش بس ماتفرق بين الالوان عجزت عيت تحفظها تعرف تقولها بس ماتدري وين هذا من هذا
** يجب التنبه إلى:
- هل هناك صعوبة في فهم كلامه.
ااحيانا اذا خربطت وتكلمت مثل الاطفال عمر سنه
==================
:( صراحة احسها نتيجة غير مرضية وراح اشوف دكتور بهالخصوص ... مع ان كثير يقولون اول طفلة وعادي بس قعدت فترةطويله عند اهلي يمكن 9 شهور وعند اهل زوجي وفيه طفل في 10 سنين ولا فاد معها يعني تطورت شوي لانها في سنتين ونص ماكانت تتكلم ابد الا شي بسييييييييييييييييييييط يعني الحيت يعتبر تتطور
وانا ابدا ما اكلمها على اساس انها صغيرة بالعكس كانها وحده كبيرة والحين بالذات اقولها جمل واخليها تكرر وراي بس ماعندها صبر ابدددددددددددددددددددددددددد بس تبغى تلعب :icon33:
الي عندها نفس المشكله تجي ننقاشها ولا الي كان عندها نفس المشكله او حتى الي ماعندها بس تعالوا..:44:
um hana2 @um_hana2
كبيرة محررات
بنتي 3 سنين ولا تتكلم بوضوح الا شي بسيط..مين عندها نفس المشكله؟ تعالوا نلاقي حلول..
21
41K
يلزم عليك تسجيل الدخول أولًا لكتابة تعليق.
مثل مشكلة ولدي عمره 3سنين...بس احسها وراثة في عايلتنا مايتكلمون الا في 5و6سنين....
سبحان الله نفس بنتي بالضبط ليكون هاذه بنتي واني ماادري والله في بالي ها الموضوع اناقشه مع احد فاهم بس انتي جبتيه على الجرح صح ويعطيك العافيه وبنفس عمر بنتي ثلاث سنين وشهرين حتى مرات افشل مع الناس اللي يكلموها وها الفتره حاطتها في مركز صيفي علشان تنطق صح والله يعينا
ابدا طريقه مجربه واكيده
دخلوها روضة اطفال ونطلق ان شاء الله لكن لاتستعجلين عليهم بتكمل ترم وهي عادي ولا كانها داخله ويمكن تكون بعد ميب سالكه وتبغاك وتبغى البيت لكن خليك حازمه معها بدون شده وقولي للمعلمه : انا ما ابغى تعليم ابغى بس تسلك مع الاطفال ولا تشد عليها وتخليهاعلى راحتها
الصفحة الأخيرة
اتوقع يخزنون الكلمات ويفجرونها مره وحده