بنتي 5 سنوات كاسره خاطري احس بدري عليها هالحركات وش اسوي معها

الله يعينك اختي
بس اتوقع بنتك تمر بمرحله اغلب الاطفال يسوون كذا !!!!
لكن انتبهي انتي لا تقارنينها بأحد يمكن من دون ما تقصدين تبين تشجعينها وتقولين مثلاً (( انتي احسن من فلانه عندك كذا وهي لا )) لأن ترى كل الاطفال يحبون الزين والتميز لاااااااااا تحقرينهم ..خخخخ
موفقه اختي

وازيد على اللي فوق اذا لبست شي ماعجبك لاتقولين ترا الناس

بيضحكون عليك او يقولون لبسها شين قوليلها بكيفك

لاني ضيعت بنتي بها الكلمه وصارت الحين اهم شي عندها الناس تعقدت بلبسها
حتى تسريحة شعرها عشان الناس وهي صغيره عمرها 4 سنوات بس صارت حساسه بزياده
والحين قاعده احاول ارجع شخصيتها اللي راحت منها وان شاءالله اقدر

اسفه طولت عليك

مير امارا
معشوقة زوجها
كل الشكر حبيباتي والله يجزاكم خير
انا عمري ماجبت طاري احد انه احسن منها بالبس بس بالاكل باحترام اهلها اقارنها اما بالبس والحلاة ابد عمري ماجبت ذا الطاري ندها


وذكرتيني معشوقة زوجها ابنقطه انها دايم تبي تلبس الشي الي يحبه الناس ماتبي الشي الي على ذوقها
احيانا اسوي لها تسريحة شعر حلوه تقولا ياما ما ما ابيها يمكن يضحكون علي
ما ادري وشاسوي معها ابي لها شخصيه قويه ومستقله زي بنت جيرانا ماشالله تبارك الله ماتهتم نهائي مناحد

طيب اختي
اذا قالت أخاف يضحكون علي عشانها عامله تسريحه بشعرها

قولي لها بالعكس انت بكذا تكوني مميزه

وشكلك كل يوم حركه جديده


((ترى بنتي أحيانا تقول لي كذا ... لكن ما أنمي هالشي عندها أحاول أزيله ))



وقولي لها اذا كانت خايفه انه فستانها أو أغراضها ما تعجب زميلاتها

بالعكس يا بنتي أشياءك حلوه مررره وذوقك حلو

واذا قالت لها زميلتها شي أوضحكت عليها

خليك دايما معودتها ومردده هالعباره عندها
(( أنا أصلا وااااثقه من نفسي ))>>>> ركزي عليها
ودايما كرري عندها انها حلوه وذوقها حلو وابحثي عن النقاط الايجابيه عندها وعززيها باستمرااار
ترى الثقه بالنفس أمر تستطعين ايجاده في ابنتك من خلال الايحاء

وكمان
(( أهم شي انه شنطتي تعجبني أنا .. مولازم تعجبك !! ))>> لو زميلتها ضحكت عليها مثلا
وترى فيه بنات الله يصلحهم لما تكون عاجبها شي زميلتها مررره تبدا تعيب فيه عشان تقهر زميلتها !!!!!!!!!!!!!!! لا تستهيني بكيد هالبنيات !!

قولي لها هالعبارات بطريقه كأنك أنت بنتك ((تمثيليه يعني ههههه))
وقوليها بأسلوب واثق وخلي تعابير وجهك مبتسمه وكلك اعتزاز
ولا تنسي حركات الجسم الداله على الثقه بالنفس

تراها بتنتقل هالعبارات ومعناها لبنتك وتتركز في عقلها وبتعطي نتائج ايجابيه
ان شاء الله

وسولفي معها
بأنه الانسان مو لازم يشوف ايش عند الناس ويهتم انه يكون أحسن منهم لأنه كذا يتعب نفسه
من دون فايده ,,
أهم شي تكون أشياءه عاجبته
ومكفيته
وحلوه
والناس كيييييفهم ما علينا منهم

حاولي شوي شوي
وترى مع الوقت بتتعدل ان شاء الله


موفقه

كانت معي
قولي امين ربي يسعدك ويخليلك بنتك وتلاقين فيها كل الي تتمنين

كلامك مره حلو وعجبني وان شالله من بكرى الصباح انفذه معاها

بس تكفين لو عندك اي اضافه بسيطه لاتخليني ولا تحقرينها تراني بحاجتها

خاصه لما تكون اطالع احد وتوريه اغراضها عشان تبيه يغار هذي الي مجننتني