بنت أخي والمراهقة المرهقة !!!!!!!!!!!!!!!!! اريد الحل

كم عمرها؟؟؟
الله يهديها تطلع مع ولد الجيران؟؟؟
اذا انك حاسه ان الكتاب بينفع فيها اعطيها
او اشتري لها كتب يصير عنوانها واضح فهمتي؟؟؟
يعني يتكلم مثلا عن حال البنات اللي يطلعن مع الشباب ولا يحترمون والديهم وووو اكيد فهمتي
انتي بس روحي للمكتبه وشوفي مواضيع مناسبه
يمكن ياثر فيها
وربي يعينكم ويهديها
بس اهم شي اخذوها بالطيب لان الضرب ماينفع
وحاولي انك تدخلين نفسك معاها وتاخذين التفاصيل وين تروح ووين تجي وقوليلها انا عمتك ماراح اقول حق احد
ويمكن تلين وتقول لك
:26:

اعرف وحده نسخه من بنت اخوج
والله نفس الحركات
وعاملوها بنفس الاسلوب من ضرب وحبس
بس ما في فايده


ومن صار عمرها 18 تغيرت 180 درجه
صارت وحده ثانيه من صلاه وصيام
وتحسفت على كل شي
والحمدلله على كل حال

والله يهديها اللي عندكم:24: :24: :24:

مشكورة اختي على ردك ، بالنسبة عن عمرها هي 14 سنة ، وعن الكتاب مب عارفة شنو اشتري بالضبط ياريت احد عنده اسم معين يذكره لي ، وهي من النوع الجريء اللي مايخاف واحنا ماضربناه الا لما شفنا الشيء زاد عن حده يعني مانقدر نسكت اهي في ذمتنا ، وانا اجر منها الكلام واتسوي روحها بريئة وماتعرف شيء ودايماً انا اذكر لها القصص اللي نسمعها مع الشباب ، بس انا دايماً اقول في هاالوقت لازم كل وحده تصون نفسها بنفسها لأن مغريات كثيرة امامهم وكل شيء مسهل لهم من موبايل وانترنت ، واحنا طبعاً مانعطيها موبايل لكن انا اقول حق والدتها تقدر تاخذ تلفون وتخبيه عندها بدون ماندري ، والأنترنت مثل ماانتو عارفين يعني كل شيء سهل غير ها التفزيون الدمار اللي يحرك مشاعرهم . كل وحده لازم تخاف على نفسها من نفسها :26:

مشكورة اختي الهنوف وانا دايماً اقول حق والدتها ها لكلام فترة وتعدي لكن اهي تقول اخاف اخسرها وتكون سالفتنه عند كل لسان ، وأمها محترمة عند الحريم وملتزمة والكل يحبه ولها معارف وايد فهذا الشيء يخليها وايد خايفة :26:

اختي مالج الا تزوجونها وهي بهذا العمرلان حتى اذا كبرت بتكبر على هذا الشي

مالها الا الزواج تلاحقوها قبل لاتتعلق بواحد ويدمر عواطفها تتشوه سمعتها زوجوها باسرع وقت لاتقولون صغيرة وماتفهم يمكن تبي زواج ومستحية تقول مالكم الا تزوجونها قبل لاتكبر وتكبر معها المشاكل ومثل ماقلت لج الحين هي تتنقل من واحد الواحد باجر يمسكها واحد ويلعب عليها وتتعلق فيه وتالي يرميها. والله مالها الا الزواج.مرة قريت قصة وحدة نفس مشكلتها وكبرت البنت وهي ما زالت على هالحال والسبب انها بالبداية تنقلت من واحد لواحد لين بالاخير
تعلقت بواحد واملت عليه انه بيتزوجها وتالي تركها بعد مالعب بعواطفها والحين هي من واحد لواحد لان الاول ترك عندها فراغ وماهي عارفة شلون تشبع هالفراغ واذا كشفوها اهلها قالت ابي اتزوج واحد اعرفه واحبه ويحبني
زوجوووووووووووووووووها وعلموها الزوج اللي بترتبط فيه لاتعلمه عن اششي شي عن ماضيها.
ومادام هي بسن مراهقة صدقوني لوتقولون لها في واحد خطبج واغروها بموضوع الزواج بسرعة بتتجاوب معاكم.
جربي اساليها قولي لها في ناس خاطبينك؟وشوفي شنو ردة فعلها.