بنت اختي

بنات بنت اختي عمرها ٢٧ وكتبت كتابها من ٣ شهور
البنت كأنها مو مقتنعه او ماحبت خطيبها
هيا احلى منو جسم وشكل وطول والبنت جميله
الولد ولا شي جنبها اللهم وظيفته كويسه بس مو جميل ومليان جدا يعني لدرجه ماحسيتها فرحت مثل باقي البنات
عموما انا قلت لها الاشياء هذي ماتدوم المعدن هو الي يبقى
وكلمتها قلت لها ما كانك انخطبتي زي باقي البنات يفرحوا ويعدو الوقت يجتمعو مع ازواجهم ويبنون حياتهم عطتني نظرة عورت لي قلبي
قالت يا خاله ما احس اني احبو احس تفكيره غريب و ما تقبلت شكله ابدا
قلت لها الحب مع الوقت وحاولت اقنعها بس ما اقتنعت تقولي الحب من الله والارواح جند مجنده محد يقدر يحب على طول
لدرجة ما تسولف معه ولا تشتاق له ولا حتى تسال عنه تقعد مهمومه منطويه
ولا احسها زي باقي البنات تجهز او متحمسه
والولد كان يقول اي وحده تقبل فيا عادي اهم شي بنت اخلاق ومكمله تعليمها ويوم خطب بنت اختي انصدم انها حلوه فوق المطلوب لانه ما كان يتوقع بتوافق عليه بنت كذا
اوقات افكر اقولها افسخي الملكه بس اخاف اخرب عليها
وهي وافقت لان احس اختي ضغطت على بنتها تزوجي تزوجي لدرجة اوقات اسمع ناس ينتقدوو زوجها
مره كنا بعزيمه جت اختي الكبيره الله يهديها بحسن نيه وهباله قالت لها صمتي وافطرتي على بصله يابنتي اخذتي هذااااا
وبنت اختي ياقلبي عليها مستسلمه ومطنشه مابينت شي بس انا عارفه من جواتها نار تكويها لانها ماهي حابه الولد
وش ممكن اقولها اخفف عنها و اقولها كلام يقنعها
ويهديها ..