السلام عليكم
انا كتبت موضوع من قبل ان نا ساكنة مع امي و ابوي كبار في السن و خواتي متزوجات و محبوووسة في البيت قبل اسبوعين زوج اختي سافر و اختي قعدت في بيتنا مع بنتها عمرها 14 سنة احنا بيتنا صغييير و مافيه غير ثلاث غرف غرفة لامي و ابوي و غرفتي و غرفة فاضية اختي جلست فيها بس بنتها قالت ماتبغي غرفة مع امها تبغي غرفة بروحها و امها عصبت و صارت مشكلة كبيييرة و بعدها وافقت جلست اختي معاي في غرفتي
و اليوم الثاني بنت اختي طلبت تروح السوق تشتري لها ثيااب بحجة ان ثيابها راحت موضتهم بس انا و اختي ما نسوق سيارة و امي وابوي كبار في السن و خواتي الثانيين مشغوليين و ما يقدرون ياخذونها السوق و البنت ملزمة ترووح السوق و امها عصبت و قفلت عليها الغرفة و حرمتها من الاكل بس انا قلبي و جعني عليها و دخلت الغرفة و عطيتها اكل و قلت لها انتي ليش تعصبين عل اقل الامور و شغلت لها التلفزيون و سولفت معاها قالت لي كل البنات اللي في سني عندهم ثيااب عالموضة و مكيااج و عطوور بس انا لا
و بعد يومين قالت تبغي جوال و امها رفضت قاالت مستحيل اشتري لها جواال قاامت البنت تبكي وتقول كل البنات اللي في سني عندهم جوالات بس انتوا معاملتكم معي كاني خادمة
بناات انا حاسة فيها لانها مراهقة و المراهقات طلباتهم كثيييرة لكن ما اقدر اسوي شي حبيت افضفض لكم
يلزم عليك تسجيل الدخول أولًا لكتابة تعليق.
سوبرماما
•
فتره وتعدي هذا السن سن ثورة المراهقه الله يعين اختك عليها
كلنا مرينا فيها وحسينا اهلنا مو مهتمين بطلباتنا وانهم مايفهمون علينا
الله يجزاهم خير الجزاء على صبرهم علينا بذيك الفتره
كلنا مرينا فيها وحسينا اهلنا مو مهتمين بطلباتنا وانهم مايفهمون علينا
الله يجزاهم خير الجزاء على صبرهم علينا بذيك الفتره
هههههههههه الله يهديها عني انا ابدا ما احس اني مريت بهالفترة لان ماكان همي الا الدرااااسة
الصفحة الأخيرة
بس الملابس والله اشترو لها حرام لازم تكشخ