بنت اختي تتدهور حالتها.. شنسوي؟

السلام عليكم ورحمة الله وبركاته

خواتي الغاليات.. بغيت اكتبلكم مشكلة بنت اختي فديتها.. عمرها ثلاث سنوات تقريباً إلا شوي... وحالتها النفسيه والصحيه قاعدة تتدهور..

هي أصلاً ضعيفه.. وعندها فقر دم من صغرها.. وعقب ما انولد اخوها ضعفت اكثر ونفسيتها تعبت اكثر.. مع ان امها تحاول قدر الامكان ما تشيل اخوها جدامها.. ونحن بعد..

هي وايد عنيده.. وما تسمع كلام حد.. ما ترضى تاكل.. وكله تصيح.. ولو تشوفونها الحين منتهيه :( وايد وايد ضعفانه :( وامها تقول ما ترضى تاكل شي لدرجة انها مرات ما تروح الحمام ابد في اليوم (الله يعزكم).. ومرات تروح مره وحده بس..

يوم شفتها عورني قلبي عليها وقلت لاختي تاخذها المستشفى بس ما رضت.. وقالت ما بيسوون يديد بيعطونها مضادات وحديد وهالسوالف.. ونحن عندنا ادويتها..

انا احس لازم يشوفها طبيب اطفال وطبيب نفسي.. لان البنيه كله تصيح وما تاكل اكيد نفسيتها تعبانه..

شو الحل خواتي؟ والله شكلها يعور القلب :(