بنت اختي سحبها الباص اليوم

الملتقى العام

السلام عليكم ورحمة الله وبركاته



اسعد الله اوقاتكم


مادري لين متى هالتهاون من سواقين الباصات

كل يوم احنا سامعين حادث جديد لطالبات المدارس

اليوم بنت اختي سحبها الباص
بدأت السالفه يوم انطفا الكهرب في اسكان قوى الامن
هم طبعا في الاسكان ذي وطبعا طفا كهرب المدارس

تقول اختي ولدها يدرس ثاني جاء على طول الساعه 8
بعد مانطفا بشوي
بس بناتها تأخرن

تقول وانا انتظرهن
رن جرس الباب
واروح افتحه
الا بناتي داخلات على وحده تبكي والثانيه تصبصب دم

وتقول اجلس اسألهن وش فيه وش صار

قالت بنتها الكبيره تدرس خامس الباص وهي نازله بعد مانزلت انا
مشى على طول وسكر الباب على طرحتها
وسحبها والسيارات وراه يضربون عليه ويأشرون وهو مروووح
المهم بعد مانتبه ووقف ا? والبنت قد تصوبت اصابات كثيره
اخذوها وودها المستشفى وضمدوها الحمدلله ماجاء فيها كسور


بس متسلخه يديها ورجليها وفمها وانفها من السحب

عاد بنيتها تقول اشوف الكفر قدام وجهي
وحنا نقول فكها الله ان الكفر ماسحبها وداس عليها


المهم الحمدلله على سلامتها

بس اللي انا مستغربه منه
لين متى هالتهاون من اصحاب الباصات
ليه ماينتظر لين ينزلون البنات ويسكر الباب ويتأكد ان مافيه وحده عالقه طرحتها او عبايتها
او اي شيء

للمعلوميه قبل 3 سنوات ماتت طالبه حادثها نفس حادث بنت اختي
في نفس السكن ومع ذالك مااخذ حذره نزل البنات ومشى

الله يكون بعون اختي توهم قبل شهرين منفجعين من وفاة بنت وولد زوجها بسبب حادث وهم رايحين للمدرسه
والحين انفجعت مره ثانيه على بنتها بس الحمدلله ْعلى كل حال.

ويااااااليت اصحاب الباصات ينتبهوووووون يكفي حوادث يكفي
233
14K

يلزم عليك تسجيل الدخول أولًا لكتابة تعليق.

تسجيل دخول

مستغنيه
مستغنيه
الحمد لله على سلامتها ..قولي لاختك تعطي بنتها عصفر مو ماء مقري فيه زين للروعه
غِنـــى ..~
غِنـــى ..~
،

الله يرحم عيال زوجها ويصبر اهلهم
والحمد لله مليون مره على سلامة بنتها
فعلا لازم يبلغوا الادارة ويوجهون له لفت نظر
روعة فلسطين
روعة فلسطين
حمدلله عسلامتها يارب احفظنا من كل شر ومكروه
ساندرا999
ساندرا999
الحمدلله على سلامتها
احلم بشوفة غاليتي
الحمدالله على سلامته

توني سمعت عن طالبه انصدمت الباص وماتت الله يصبر اهله