بنت اختي والزن من غير سبب

أكيد فيها شي ..الطفل مايبكي الا فيه شي يوجعه ...شوفوا عن أذانها أو يمكن يكون فيها ملع ..أو يمكن يكون بداية تسنين ...ناظروا وين السبب..أو يمكن الحليب ماناسبها ..
وجربي بالليل تدهنونها بزيت زيتون دافي وتلبسونها ملابس كامله عشان تستفيد منه ونوموها ..والله يخليها لكم ويعافيها

يمكن تبي تسنن عطوها شوي بندول حق الاطفال او ودوها حق الطبيب اكيد فيها شي وسلامتهاز

انا بنتي كذا من صغرها ياتبكي ياتزن
وزن ينرفز
بعدين عرفت انه اولا من التسنين
وثانيا طلع عندها التهاب في اذنها من طريقة الرضاعه

فعلا يمكن معها التهاب في الاذن او الحلق او تسنين
توديها لدكتور وتشوف وش فيها لان الطفل ما يبكي الا يوجعه شي
وان شاء ما عليها الا العافيه

1- التسنين
2- التهاب بالذن وهذا سببه شرب الحليب والطفل مستلقي وراسه مو مرفوعة على مخدة فيصير ان بعض القطرات من الحليب تدخل وتتجمع بقناة الاذن ويتعفن فيها الحليب ويسوي التهاب مزعج لاذن الرضيع ... الحل .... مخدة تحت راس الطفل اثناء الرضاعة .
3- ظاهرة اسمها (رفلكس) او الارتجاع ..... اذا كان الطفل عنده ترجيع بكثرة ويتضايق بعد الاطعام او الرضاعة ويجيه مغص وبكاء شديد من وقت للثاني ... وهذي لما قريت عنها طلع للاسف يصاب بها بعض الاطفال حيث يكون فم المعدة متوسع شوي ومايمسك الحليب والسائل ببطن الطفل وانما يدفع ببعضها الى المريء فيصير حرقان والم وشوية ترجيع وهي تقريبا مشابهة لظاهرة الحموضة او الحرقان عند الكبار .... وحلها نفس اللي قبل .. ارتفاع الراس عند الرضاعة عن باقي الجسم باستعمال مخدة لينة او ارضاع الطفل في حجر الام وبقاءه مرتفعا او جالسا حتى بعدها عشان مايرجع للمريء.... ايضا قرات ان الطفل تبدا تخف عنده الظاهرة كل ماكبر وخصوصا اذا بدا ياكل ... حيث باقي الاطعمة ليست بسيولة الحليب فتثبت بالمعدة اكثر وماتسيل لفوق بعد بلعها... والبعض قريت انهم كانو يثقلو الحليب اما باضافة سيريلاك او بسكويت عشن يسمك قوامة ويصير اتخن .
ايضا ممكن يكون البكاء المستمر من تسلخ بمكان الحفايض اوبلل او حتى تعب بالجسم من كثر ما الطفل يحب يلعب ويتقلب ويحرك جسمه بهالعمر ... وهنا يفضل المساج بزيت جونسون للاطفال ماقبل النوم حيث ثبت انه يساعد الطفل على الهدوء والراحة والاسترخاء اكثر اثناء النوم ( شفت اخصائية تكلمت عنه وقالت مجموعة النوم من جونسون حاصلة على جوائزو ثبت فعاليتها)