بنت اختي وحمولتها العجيبه

.





سبحان الله يالغيره والحسد بنت اختي تعبانه من من ادنها وعملو لها فحوصات هنا وما استقرت حالتها

ونصحوها بالسفر للعلاج برا واختار جوزها بريطانيا وهي المفروض تسافر بعد اسبوع وعندها طفلين

الاول في اول ابتدائي والتانيه بيبي ما تدرس و عايزه تخليهم عند اهلهم ام جوزها والا اخواته لان البيبيات

يحبوهم ويحبو اطفالهم يلعبو معاهم ,, لكن كل وحده منهم تقول ماقدر يمكن اطلع يمكن اسافر ,, وام جوزها

تقول اخاف ما يحبوني ويبكو ,, انا قلت لها جيبيهم عندي بس ما رضيت لاني حانقل جده مع جوزي لمدة سته شهور

جايه عشان دورته ,, وتقول جوزها مش راضي ابدا يجيبهم عندي او يوديهم لامها ,, هو يقول اخواتي يشيلونهم لان

هما دايمن يسافرو واحنا نشيل اطفالهم واخرتها العام حماتها الكبيره راحت النمسا وسابت بزورتها الاربعه عندها

وبنت اختي مره مسكينه تحب الاطفال لكن هم بس يبغو هما يستفيدو ويتبسطو ,, انا ياما قلت لها لا تخدمي الحموله ترا

اخرتها ينكبوكي بس هي طيبه وعلى نياتها ,, الحين مش عايزه تسافر تقول مش مهم اصلا ادني ما تعورني خلاص

وتقول حرام اولادي احطهم عند ناس ما يبغوهم بعدين اخاف ازا سافرت يغلطو عليهم ,,

الكارثه الحقيقيه ان حماتها امس شفتها في قهوه وتقول بكل ثقه حنسافر لبنان وحاخلي عيالي عند فلانه " بنت اختي" هي

تحب الاطفال وقالت خلاص جيبيهم قلت لها اللي اعرفه انها تعبانه وحتسافرتتعالج قالت مافيها الا العافيه وهي

قالت لي انها بطلت ,, انا احتريت وقلت هي بطلت لانكم برتو في عيال اخوكم اللي شايلكم وحاملكم انتم واولادكم وانتو

تنططو وتتمشو من بلد لبلد ولما احتاجكم في شده ومرض مش في رخا ودلع زعلتو وقمتو تتهربو وحسستوه ان هو

واولاده وسخ دنيا مالهم اي قيمه عندكم ,, هادي انانيه يا ستي مش شطاره اخوكم يتاقل بالدهب هو وزوجته بس انتم ما

يطمر فيكم لا دهب ولا بلاتين ,,


الست قامت بسرعه واخدت عباتها وطلعت وعيونها حمرا ,, وفي الليل اتصلت بنت اختي وقالت لي حماتي كلمتني وقالت لي روحي

تعالجي حرام تقعدي تعبانه وجيبي بزورتك عندي انا حاشيلهم في عيوني لحد ما تيجي



سوبحاااان الله تحركت عواطفها وصارت رقيقه وحساسه لما جاها كم كلمه ناس عجيبه واللهي تجيب الكلام لنفسها :icon28:





.