والله نفس كلام الاخوات لاتسكتي

عين العقل.....

تميميه والله هي تزعل لاهاوشته بس وش بتسوي بي لو اضربه اجل وهي ولاهامه وزي ماقلتي كل ماجتمعنا هم مبسوطين وانا يدي على قلبي اخاف تضرب ولدي اعرفه ماترتاح الا لاطقته مره عضت ولدي بمنططقة حساسه انفعلت صرخت عليه قلت الحقه عضه زي ماعضتك والولد يبكي وتخم بنته وتقول لا موب هي الي عضتك وهذا حالنا الحمد لله والشكر وبالفعل كنت احب بنته وصرت اكرهه من حركاته ومن ردة فعل اختي الله يجزاك خير ويصلح الحال
يعني تقترحون علي اتهاوش معه والي فيها فيها بس انا تعبت من اسلوبه

ياعمري ياختي انا جربت الي جربتيه واكثر من اختي ولدي من يوم عمره سنه وبنتها برابع وبنتها سمينه اذا لمسها ولدي يلعب معها تقوم وتدبج بولدي مع ظهره لين يتشهد وامها تناظر ولا كأن شي صار والحين ولدي كبر وصار بأولى ابتدئي وعيالها بالمتوسط وياويل ولدي يقرب لهم ياخذ شي ولا يلعب عندهم يهجمون عليه كل عيالها ويضربون ضرب قاتل وانا بس اقوم وانا قش ولدي ليه طقوك اكيد انك مخطي ياوليدي ولاعمري هاوشتهم مع اني عارفه اانهم هم المخطين وبعدين شوفي فرق العمر هو توه عمره 7 وهم 15 و13 وهي اذا صاحو عيالي وقالو انه فلان طقني ماتقول شي تناظر وترجع تكمل سالفتها عادي بنظرها واثقه ان عياله9ا هم الصح وانتو الغلط اول ولدي يجي يشتكي ويعلمني من الي طقه والحين اعرف بصوته انه مطقوق من بعيد مايقرب عندي ولا يعلمني حس ان امه مامنها فايدهوش الفايده يعلمني وانا ماراح اخذ حقه مره جاولد\ها الكبير وطق ولدي بالكعب مع اذنه وطلعت صوت والله ان ولدي داخ من هالضربه وانا عادي متعوده ووحده من خواتي قالت حرام عليك قومي تحركي هذا ولدك بذمتك وامهم تسمع وساكته وعاااااادي ماكنها شافت شي قمت واخيرا هاوشته وقعد ينافخ علي قدام البزران وانا خالته تندمت اني قمت لاننا بصراحه عودناهم يطقون ولانناقش

من الحين ياخيتي الي يطق عيالس وقفيه عند حده وهدديه وفهمي امها وان حصل اذا شفتي الام ماهي حول بنتها اقبصي البنت وطيري عيونك وقولي لها اذا لمستي واحد من عيالي جلدتك جلد وماخليك تجين عندنا

زي ماهم تعبوا على عيالهم وخايفين عليهم حنا بعد تعبنا عليهم واكثر

الله يكون بعونا وعونك ..
النوعيه هذي كثيره مع الأسف ..
تفكر محد يحب عياله إلا هي .!!
ّأنا هذا يصير لبنتي من عيال عمها يجلدونها مع ان الفرق بينهم كبير بنتي سنتين وهم على 4 و 5 سنين .. من يوم جبتها وهم على هالحال ..
كنت بالأول أسكت وأتغاضى مابي أحط عقلي بعقل أطفال بس يوم بدت البنت تفهم وتتأذى منهم قلت خلاااااااص دام أمهم الله يهديها وانا وربي أحبها واحسها اخت لي بس هي ماتبي احد يعقد عيالها وهم عادي يعقدون عيال الناس !!
الحين صرت ماأحاول اجتمع معهم كثير لأن بنتي خذت كثييير من تصرفاتهم مع الأسف .. واذا اجتمعنا ابن أمه يمد ايده عليها والله لأضربه لو الدنيا كلها تزعل ماعندي أغلى من بنتي وماورى ماصبرت ..
الوحده زي ماترضى على عيالها المفروض ماترضى على عيال الناس لأن أهلهم يحبونهم بعد مو بس بس هم !!
ونصيحه .. إذا مافاد الكلام مع أختك خليك قوية وواثقة من نفسك ودافعي عن عيالك وخليها تزعل مرة ومرتين وبعدين تتعود وتشوف لها حل مع بنتها ,, اشمعنى انتي تزعلين وهي ماهمها >> أنا ماأحرضك بس لااااازم يكون لك موقف حاسم ..

والله يصلح نياتنا وذرياتنا ..