بنت اخوي متغيره .. وش الحل تكفون ساعدوني

السلام عليكم حبيباتي

بصراحه بعد ماضاق صدري وضاقت حيلتي في البنت فكرت اكتب الموضوع

بنت اخوي بسم الله عليها عمره تقريبا 14 او 15 بصف ثالث متوسط

البنت اجتماااااعية ماشاءالله عليها واخذه الحياه ضحك ووناسه وتعليقات

لكن .... الان البنت متغيره 180 درجة صار ماتسمعي صوتها بس ساكته

وانا ملاحظتها الحين لها تقريبا حوالي الشهرين او شهرين ونصف على هالحاله

حاولت اكلمها وحاولت اختي تكلمها .... بتستغربون وين اهلها لي مايكلمونها

امها باااااااااردة ومدري ساعات احس الموضوع عادي ومو هامها لما اقولها البنت وش فيها تقول مدري عنها ماتتكلم

واختها اللي اكبر منها تقول ماترضى تتكلم تعبت معها ماتبي تحكي

اللي مشككني انه فيها شي يوم اكلمها تسكت وتطالعني وتبتسم ابتسامه باره يوم اقول احد مضايقك احد مهددك بشي احد ماسك عليك شي تهز راسها بالنفي

قلت انا مضايقتك اخوانك اهلك برضوا تهز راسها بالنفي ....

او تسكت وانا اتكلم بس مستحيل تحط عينها في عيني

تعبت منها وخايفه عليها بصراحه شي مقلقني مرررررره

ساعات احس فيها نفس او عين

لانها مستواها الدراسي ممتاز ... واجتماعيه مره

بس مدري وش اللي صابها

عطوني حل تكفون ايش نسوي معها