بنت اخوي وخالتي وزوجي

سالفتي سالفة أول مرة بفضفض عن هالموضوع
ماقدر اقوله لحد من اللي حولي، لكنه مأثر فيني كثير
الموضوع صار لما زوجي طاح على بنت اخوي بالصدفة تكلم واحد، شال الدنيا عليهم وهدد الرجال والرجال خاف راح في حال سبيله، لكن بنت اخوي كانت وقحه💔
.
جات بعدها لخالتي وطلبت منها رقم زوجي عشان تكلمه في موضوع وخالتي عطتها
.
وكلمت زوجي عن شخص ثاني كما تزعم تحبه وهو يعرفه وتسأل عنه وعن اخلاقه، زوجي انصدم من وقاحتها وجرأتها لثاني مرة
.
زوجي بعدها فاتحني بالموضوع
.
انصدمت
.
من بنت اخوي اللي مابينها وبينها إلا كل خير وكانت تجيني في مناسبات ومواقف كثيرة واوقف معاها واساعدها
كيف كلمت شخص؟؟؟( ولو قلت مراهقة وانتهت ومافيه إلا الخير) ، كيف تجرأت تكلم زوجي بدون علمي؟؟؟؟؟
.
وصدمتي من خالتي اللي عطتها الرقم وماقالت لها روحي لفلانة واستأذينيها؟؟؟؟ صدمتي فيهم ثنتينهم اكبر من بعض💔
.
حسيت نفسي مغفلة كيف كنت اساعدهم واعزمهم في بيتي؟؟؟ كيف كنت اشوفهم بنظرة زينة وماعملولي قدر؟؟؟
.
خالتي مافاتحتها بالموضوع إلى هالحين وشلتها في قلبي عليها ومابينت
وبنت اخوي في موقف صار بيننا انفجرت عليها وتهاوشنا وتطاولت علي بالألفاظ وساءت علاقتنا كثييييييير والكل حط اللوم علي من الأهل( وانا في داخلي غصة ماقدر اتكلم بالأسباب الواقعية اللي في قلبي) وماعلمتهم
.
وهالحين بعد زن وإلحاح منها اني اسامحها قلت لها سامحتك... لكن ماني قادرة اتقبلها في حياتي ابد... هي تزوجت الآن قريب لنا كثيير ماطلعت من العايلة وصار في اغلب المناسبات إذا مهو كلها في وجههي
.
ليتها تزوجت غريب وراحت بعيد
.
والمضحك زوجها يموت في تراب رجولها ويمشي وراها ومدللها كأنها ملاك على الأرض
.
وكل ما تذكرت اللي سووه فيني تجيني غصة واسرح بالأفكار
💔💔💔