بنت اخو زوج صديقتي من الواقع المرر للخونه

السلام عليكم ياحلوات
حابه اطرح عليكم قصه من واقع حياتنا لكن قصتها فلم سعودي بحت لانه كثير يصير عندنا
البنت جميله جدا تبارك الله من اسره معروفه تزوجت وهي بالعشرين من رجل عمره تعدى الاربعين غني جدا جدا
عاشت سنوات سعاده معه وانجبت له الاولاد والبنات لكن بعد سنوات صارت تجيها رسائل على جوالها من امراه
انها زوجته الثالثه طبعا ام عياله كانت متقبله وجودها في حياته ومابينهم اي مشاكل لذلك كان تقبل زوجه ثالثه صعب
تقول تعددت الرسائل وهي صامته لم تساله ولم تنبش خلفه ولم تخبره بامر الرسائل
المهم بعد شهور اتصلت عليها المراه وقالت انا زوجته واذا منتي مصدقه تعالي للمطعم الفلاني حنا هناك الساعه كذا
الحرمه بين مصدق ومكذب اخذت خواتها وقالت انا عازمتكم على العشاء وراحت للمطعم ونظراتها هنا وهناك تبحث
عنه وتقول يارب انها تكذب لانه قال لها ان عنده عمل مهم وراح اتاخر
لكن الي صار انها شافته فعلا بالمطعم مع وحده ماسكه ذراعه
وش كان موقفها محد يصدق وهذا الي خلاني انزل الموضوع
موقفها كان صمت صمت صمت ولا ابدت اي ردة فعل طبعا هو ماشافها رجعت للبيت حاولت حتى خواتها مايحسون بشي تمالكت نفسها لين رجع للبيت ولحظتها واجهته بالحقيقه بكل هدؤؤ واعترف لها وقال مدامك عرفتي هي كانت مثل
المسيار وكنت خايف على شعورك لكن الحمدلله مدامك عرفتي من غيري من بكرا كل وحده لها ليله

القصه حقيقه مكانها بريده
الغرض منها وش ردة فعلك لحظتها معقوول ماتصرخين في وجه بالمطعم
معقول امسك نفسي واتكلم معه بهدؤ وعقل
معقووول ماانهار ويغمى علي واجمع خلق الله علينا:eek:

ابي ردود فعلكم لو كنتو مكانها وهل تصارحونه ولا تسكتون ولا كانكم شفتو شي