بنت ارسلت لي رساله تشكي من الحزن والاحلام المفزعه

السلام عليكم
بنت ارسلت لي رساله تشتكي من الحزن والاحلام المفزعه
قلت لها تطبق برامج ع النت قالت سويتها مااستفدت منها قلت اجل شوفي برنامجي هذا وبعد شهر كلميني
نصحتها ب هذي النصيحه
الخطوات ابدائي فيها من بكرا واستمري عليها شهر كامل ب اذن الله تجدين خير
( ان قدرتي تستمرين عليها اكثر ف خير على خير)
اول شي جيبي دفتر اكتبي فيه كل شي
واحتفظي به بعيد عن اي احد
اكتبي فيه اي شي فيه ذنوب لو هي بسيطه بنظرك
مثال: غيبه نميمه نقاب يظهر العين سماع اغاني اوعبائه كتف غير ساتره صورة عرض تجلب ذنوب جاريه ....... اي شي صغير او كبير اكتبيه
واعزمي ع التخلص منه
واكتبي
الشي الي يحبه ربي مثال اتباع السنه
: ( قل إن كنتم تحبون الله فاتبعوني يحببكم الله )
ابحثي عن السنن السواك / السنه بعد الصلاه / تقليم الاظافر /اي شي يفعله الرسول صل الله عليه وسلم
اذا حبك ربي يدافع عنك وينصرك على عدوك
البرنامج سهل جدا بس يبيله عزيمه قويه
عشان تنتصرين على الاعداء الي يكيدون لك ( الشياطين)ومسببين لك اذى وهموم وتعاسه
يالله استعيني بالله وسني سيفك عليهم ابتداء من بكرا
اول شي
وقتي الساعه قبل الفجر بساعه قسميها نص استغفار ونص صلاة ودعا بالسجود ان يكشف عنك الضر والبلا ادعي دعاء الغريق
لانه وقت السحر وقت الاستجابه
الرقيا سهله وبسيطه وماتاخذ وقت وهي
بعد صلاة الفجر واذكار الصلاة
اجمعي كفيك وانفثي واقرائي الفاتحه وامسحي جسمك كله
و اول خمس ايات من سورة البقره
واية الكرسي
واخر سورة البقره امن الرسول
اول ايات سورة غافر الين اليه المصير)
اخر ايات سورة الحشر ( هو الله الذي لااله الاهو عالم الغيب والشهادة... الى اخر السوره
سورة الاخلاص والفلق والناس تقراء 3 مرات
وايات الحسد من رقيا الحسد طلعيها من قوقل
اهم شي مع كل ايه تجمعين كفيك وتنفثين وتمسحين كل جسمك من فوق الملابس
الرقيا اعمليها فجر وعصر
اذا جيتي تنامين نامي على طهاره وقولي اذكار النوم كامله وطبقى كل ماجاء فيها
كثري من قول لاحول ولاقوة الابالله وحسبي الله ونعم الوكيل
ردديها كثير / لاتهملين اذكار الصباح والمساء
الصدقه طلعي ماء للطيور والقطط تصدقي ع احد فقير حسب قدرتك لو بعلبة عصير
والكلمه الطيبه صدقه والابتسامه صدقه
صلاة الضحى عن 360 صدقه
ادعي بكل وقت استجابه قولي يارب ادفع عني البلى واكشف عن الضر
سوي اعمال صالحه تكون لك خبيئه
يعني محد يعرف عنها شي سر بينك وبين نفسك عشان تدعين ربك بها
مثل قصة اصحاب الصخره لو تعرفينها
الصلاة على النبي تفرج الهم وتقضي الحاجات