بنت الابله
من قدها !!
قبل كنت معلمه مرحله ثانويه والفتره الاخيره حولت ابتدائى
عشان عيالى صغار
موضوعى
بنت الابله
كثير معلمات تسجل بنتها معها بنفس المدرسه
وهذا عادى تروح وتجى مع امها بنفس السياره
ومشوارهم واحد
لكن مايحدث من بنت الابله عجيب
مشاهدات من ارض الواقع
طبعا بالنسبه لى بناتى مو بنفس المدرسه
لان مدرستى بعيده عن بيتى
وبناتى بمدرسه الحى
بنت الابله
تدخل غرفه المعلمات بدون استذان
بنت الابله
وقت الفسحه
تجى تجلس جمب امها وتفطر مع المعلمات
وتاخذ قطعه كيكه
او فطيره من فطور المعلمات
وتطلع الساحه قدام زميلاتها
تاكل قدامهم
انا بنت ابله اكل غيركم
ولا ازاحم بالمقصف
بنت الابله
بالشتاء تجى غرفه المعلمات
والجو دافى وتشرب حليب دافى من قهاوى المعلمات
والطالبات بالساحه
كلن ماسكه عصيرها
لما هاوشت طالبه تدور بالاسياب
طالعه من حصتها
يجى من يقولك من الطالبات طبعا
هذه بنت ابله !!
يعنى يحق لها
جانب اخر
ممكن يكون بالمدرسه ثلاث فصول لكل مرحله
تحصلين افضل فصل
من ناحيه الوسع طبعا للمستاجر
ومن ناحيه المعلمه
ومن ناحيه التكيف
يجمعون فيه بنات المعلمات
كل معلمه تحط بنتها بالفصل الافضل
عند المعلمه الافضل زميلتها
والنتيجه
فصل قمه
وفصل تحت
مافيه تفاوت بالمستويات
بنت الابله
تجى الصبح متاخره مع امها وماتحضر بعضهم الطابور
وعلى طول فصلها
طيب بنتك طالبه بنفس المدرسه
تعالى بدرى
الطابور مهم
بنت الابله
تدخل المقصف من الباب مع امها
قدام نظرات بقيه الطالبات
وتشترى بدون زحمه
كثير معلمات
ممكن ترسل طالبه
تجيب لها غرض
او تشترى لها مويه مثلا
او تجيب لها كتب
لكن
الويل والثبور وعظائم الامور
لو معلمه ارسلت بنت ابله
يحز بخاطر امها
اصلا المعلمه ماتتجراء ترسل بنت ابله
تعمل حساب لخاطر امها الزميله
الاسبوع
الماضى
كان فيه بوفيه فطور جماعى للمعلمات طبعا قطه
ودخلت بنات المعلمات كل ام معلمه تعطى بنتها صحن
معبى اكل
وتطلع البنت كل قدام البنات تاكل قدام نظرات الصغار
والى تشتهى
واللى تتمنى امها ابله
ادرى انهم امهات وانا ام
واكيد بناتى غاليات عندى
بس بعد بنات الناس
صعب وشى يحز بالنفس
اللى اشوفه
معامله خاصه لبنت الابله
ابتداء
من
من قول المعلمه الام لمعلمه اخرى
يابله فلانه ترى بنتى عندك ماجابت كتبها اليوم
لا تفشلينها قدام البنات
وانتهاء
باكل الطالبه بغرفه المعلمات
ودخولها دون استذان
حتى الطالبه الصغيره نفسها
تتعلم غلط
تدخل بدون استذان
واذا قلتى ليه !!
قالت
انا بنت ابله فلانه
وين القيم
وتعليم الصغيره مبادى صح تمشى عليها
شلون انا ينبح صوتى بالفصل
اشرح درس عن
المسلمون سواسيه كاسنان المشط
وبنت الابله تفرق عن زميلتها
شلون اعلم بالفصل اداب الاستذان
وبنت الابله على راسها ريشه
انا لست ضد المعلمات
ولكن
شي حز بنفسى
لما اى معلمه تجى تعاقب بنت غلطت
او تحط الدرجات
تسئل
انتى بنت ابله هنا !!!
دائم اقول لبناتى
لاتقولون امنا معلمه
مع انهم مو معى بنفس المدرسه مدرسه ثانيه
بس ماحب التميز الى ماله سنع
بنتك طالبه بالمدرسه
تمشى بقوانين المدرسه وانظمتها
وكل البنات واحد
تجمعهم ساحه وحده
وبراءه وحده للاسف ساهمنا بخلق فروقات
وسلامتكم ....
قههههر تذكرت أيام الأبتدائي مميزات بكل شي عنى
أذكر حتى بالأذاعه فيه بنات أكفى منها بس هي طبعا بنت أبله
لأزم تطلع لو ماعندها سالفه
والله شي يقهر