حرام عليكم مو الكل انا مديرة مدرسه وبنتي ف سادس والله مااعرفها الااذاجيت اطلع بشهادة الجميع ودايم هي المظلومه البنات يخالفون وهي اقول لها انتي قدوه للطالبات وتلتزم بكل شي اقوله
وبنتي بثاني انا وياها شيل وحط عشان ماتجي عندي وتتعود
انا اقول كذا ماابيكم تعممون ع الكل لان الناس مو مثل بعض
وشكرآ لصاحبة الموضوع

مع الاسف هذا هو مجتمعنا
يعرفونك يحطونك فوق الراس
ما يعرفونك انواااع التجاهل بجميع الاماكن مستشفى مدرسة مشغل اي مكان
انا عندي بنت المديرة بالفصل وربي اني متضايقة من وجودها انواع الدلع والشكواي وتعرفون الاطفال اذا احد عطاهم اذنه يحبون يألفون
والبنيات هم الغلط وهي الصح الله المستعان

نفس الحال خاصه بعض المعلمات وبناتهم فيهم شوفة نفس

والله انك صادقه

والله ماقريت الكلام كله بس فهمت الموضوع
الشي هذا ماشفته بدراستي في متوسط كان عادي
في ابتدائي اللي مرررررررره كل المدرسات والمديره بناتهم معهم يدرسون وشوفي الحركات والتميلح
حنا ابتدائي صغآآآر وتحز بخاطرنا
حنا عندنا عايله معروفه واغلب المدرسات منها
اللي هي عايلة الملحم
اذكر مره كنا بسادس واختبارات نهائيه وحنا نختبر بنت طلع من خشمها دم والمدرسه اللي تراقب علينا تنادي مدرسه من بعيد تقول لها عن هالطالبه
وتقول لها يطلع من خشمها دم لا وبنت ملحم بعد
يعني لو اي بنت ثانيه ماعندها مشكله بس بنت ملحم لا
ولو اي بنت ثانيه ماراح يخافون ويتصرفون نفس تصرفهم وخوفهم مع بنت الملحم
مره انحيازيين في ابتدائي وحنا ندرس في ال*** تجي المدرسه تطل علينا وتسولف مع المدرسه اللي تدرسنا وتوصيها على بنتها وتلاعب بنتها شي شي يفقع المراره
بس ماانكر ان فيه يمكن مدرستين بس يعاملون بناتهم زيهم زينا حتى اذا غلطوا يهاوشونهم اذكر مره مدرسه هاوشت بنتها خلتها تبكي ودخلتها الفصل