دحبورة :

بالعكس يابنات اا اشوف كلامكم فيه شي من الغلط ليه لاني مكروفه كرف في بيت ابوي الله يطول بعمره وكان ووضعنا المادي كان متوسط يعني مو ممتاز والله كنت اطبخ وانا في ثالث ابتدائي لان امي كانت دايم تتعب عندها ربو الله يحميها واللي ربتنا وعلمتنا جدتي الله يرحمها والوالد الله يمد بعمره هو كان يطبخ معنا تخيلو ولمن تكون جدتي مسافره وامي في المستشفى ابوي اللي يوقف معنا في المطبخ حتى امي اذا ولدت احنا ربينا اخواني كل شي نعرف نسويه انا واخواتي ولله الحمد انا اكره خيال الشغالات مو الشغالات بس ولمن تزوجت الحمد الله الله رزقني بطالب كان يدرس يعني كرفت قبل وبعد الزواج والحمد لله هو الحين مهندس دخلنا جدا ممتاز كل وسائل الراحه وارفاهية عندي بس انا ضد الخدم في البيت وزوجي مبسوط لاني اعرف شغل البيت لدرجه مره شافني اغسل الملابس وقاعده افصلها عن بعض قلت وش عندك روح شوف التلفزيون قال لا ابي اشوفك وش قاعده تزينين قلت الحمد لله قاعده افصل الملابس قال غريبه عندك الغساله فل اتوماتيك هي تزين كل شي قلت صح بس موهي تفصل الالوان عن بعض لازم كل لون على وحده والابيض لحاله وكذلك الملابس الداخليه عاد هو انبسط قال تصدقين انا يوم رحتي عند اهلك كنت احطها كلها سوا وانا اقول وش فيها ما تنظف مو زي غسيلك اثاريه من فصل الملابس عن بعض وكمان زوجي ما يواطن اللي ما تعرف شي بلهه فيه فرق بين اللي تعرف وتتصنع انها ما تعرف يبان لانها لو انحطت في موقف تعرف تتصرف والله المدلله عند اهلها يمكن تتعب في البدايه واكثر شي راح يتعبها لمن يجو عندها ضيوف اول شي راح تتعب من شيل دلة القهوة لا ازيدك من الشعر بيت تلقينها شايله الدله باليمين والفانجيل بالشمال وتباشر يعني انا اللي ابي اوصله الوحده اهم شي تتربى صح على تحمل المسؤليه وانا ولله الحمد احس ان طاقتي ما استنفذت مني بالعكس الحمد لله نشيطه وشغل بيتي اخلصه بسرعه بالعكس عندي افكار من واقع تجربتي تخليني اعرف كيف انظم وقتي وبيتي ولا يتكركب علي شي الله لا يغير علينا وعلى بنات المسلمين الا بازين مما عندنا

بالعكس يابنات اا اشوف كلامكم فيه شي من الغلط ليه لاني مكروفه كرف في بيت ابوي الله يطول بعمره وكان...