السلام عليكم ورحمة الله وبركاته .. :(
اول شي بقول اني انا زعلانه ... من الصبح اكتب في الموضوع واحط افكاري اللي توها مولودة حق هالموضوع .. واخر شي اختفى بلمحة عين ... يالله زعلت ... استغفر الله العظيم ... اللي مر بهالموقف بيحس بالمعاناة ...
المهم ... موضوعي حطيته بمناسبة قدوم احلى موسم للبعض اللي هو موسم التدريس... واللي هوه عند البعض.... لاتعليق .. حبيت اشارككم بنشاطات مختلفه ونصايح مهمة لاول يوم دراسي ... ان شالله تستفيدون منه ...
طبعا اول اسبوع ممكن تقسمين حصصه الى عدة مراحل .... وخطوات ...
الخطوة الاولى .. التعريف عن المعلمه...
عشان تعرفين عن نفسج .. فيه وايد طرق حلوه ومسليه تقدرين تستخدمينها..
الفكرة الاولى: التعريف الروتيني عن نفسج ... انا فلانه كنت ادرس الصف الفلاني ..وبدرسكم ان شالله المادة اللي انتوا تحبونها وبشدة ... الانجليزي ... وعشان تزيلين الرتابه في هذا النشاط ... خلي الاطفال بروحهم يتوقعون اي شي عنج ...
مثلا: قبل ماتعرفين باسمج قوليلهم : انا شو اسمي ياحظي ؟؟ وخليهم يتوقعون الاسم ... طبعا اذا انتي معلمه جديدة ... شو هواياتي ؟؟؟ منوه اهلي <<< اذا فكرتوا تخطبوني
خلهم يتوقعون من وين انتي .. من اي بلده او مدينه ... ومن متى ادرسين ...
يقولج لاتقولين للعيال اذا انتي مدرسه يديدة ... لانهم احتمال يستغلون هالشي ويضايقونج -في حالة بعض المعلمات- ويقولج بعد ... قولي للعيال شي عن اهلج ... عدد اخوانج وخواتج عشان يحسون انج انسانه "حقيقة" تعيشين نفس اللي يعيشونه ...
The students will see you as a real person if you share something about yourself
الفكرة الثانية: وامتدادا للفكرة الاولى ... استعملي ال bulletin board ... او اللوحه المستخدمه للاعلانات
ييبي قصاصات وصور تدل على شخصيتج ... يعني مثلا حطي clip art واحد يسبح ولا يلعب كوره >> هذا شي يدل عليج ....
عطي العيال فرصه يسإلونج عن كل صوره ... مثلا : معلمه انتي تحبين السباحة ؟؟؟ <<<هذا اللي ناقص اقولكم بعد ... كذلك حطي صور اكلات انتي تحبينها .... او ماتحبنيها عشان يسالونج عليها العيال عنها...
الفكرة الثالثة: ماذا تعرف ... ماذا تريد ان تعرف .... ماذا اكتشفت وماذا تعلمت اللي اختصارها KWL
Know
Want
learn
كتبي الاسئله الثلاثه على البورد ... خلي الطلاب في بداية الحصة يقولون معلومات يعرفونها عنج .... او يتوقعونها مثلا .... بعدين إسإليهم ماذا تريدون ان تعرفون عني ... وبعدها قوليلهم شو اكتشفتوا او شو اللي تفاجئتوا فيه ...
بصراحة هذي الطريقة تصلح اذا المعلمه بتتكلم عن درس جديد... يعني ...
الخطوة الاولى: اذا الدرس اليوم عن الغنم والخرفان والبعارين ... قوليلهم شو تعرفون عن هذا الموضوع ... او عن هذه الحيوانات ... واكييييد بتحصلين اجابات حلوه من العيال خصة اللي عندهم عزب ... بالعكس بيستانسون اذا تكلموا عن نفسهم وشاركوا اصدقائهم خبراتهم في الحياة ... sharing experience ..... هذي نقطه مهمة جدا في ايصال الدرس الى ذهن الطالب ... اسإليهم هل تحبون هالحيوانات ... هل تملتلكون واحد ... تقدرون تصورونها عشان نشوفها باجر ونعلقها في الغرفة .... حاولي عزيزتي المعلمه انج تستعملين هالطريقه كل ماتطلب الامر .. واستعمليها بذكاء ... !!
الخطوه الثانيه إنج تسإلين الطلاب ... "شو تحبون تعرفون اكثر عن البعارين ..؟؟؟"
وخلهم يعطونج لسته باللي يحبون يعرفونه ... كيف تعيش كيف تاكل كيف تجتر وكيف تخزن الماء ...
الخطوة الثالثة: من بعد شرحج الممتع للدرس ومن بعد ماعرفوا الطلاب المعلومات المطلوبه ... الان ايي دور "ماذا تعلمت" ... قوليلهم شو تعلمتوا من درس اليوم ... و رياكم بالغنم ... شفتوا كيف تجتر ؟؟؟ كم كرش للتيس ؟؟؟ هذا القسم من الدرس يسمى مراجعه سريعه وتلخيص عام ... وكلكم خابرينه ... ايي بعدها مرحله ابداء الطالب رايه reflection ... وهنيه يوم تسإلين الطلاب شو رايكم بدرس اليوم ... وهذا يمكن يتم باكثر من طريقه ...
1- الطريقة الاولى: اختياريه: توزعين اوراق فيها 3 وجوه ... سعيد .. عادي ... زعلان ... حطي كذا سؤال .. هل عجبكم موضوع الدرس .. اللي هوه عن الغنم... سؤال تحته .. هل تعلمتم معلومات حلوه .... وبعد هل احببتم الالعاب اللي استخدمتوها اليوم ..؟؟ اذا فيه مجال حطي why ... يعني ليش عجبكم او ماعجبكم ... وهذا الاسلوب يعتمد على سن الطلاب ....
2- الطريقة الثانيه ... أسئلة شفويه للطلاب عامه .... عشان تشجعينهم في على ابداء الرأي والافصاح عن مشاعرهم بدون خجل.... وتقوية اسلوبهم بالكلام ...
3- الطريقة الثالثة: كتابيه ... تخلين الطلاب يكتبون reflection كامل ... في صفحة تعبير او ماشابه .. او انها اسئله مفتوحه ... عشان متقيد الطلاب بإجابة نعم او لا ...
الفكرة رقم ثلاثة 3>>اللي هيه عن kwl طريقة للتدريس اكثر من انها للتعارف ... بس لابأس تستعلمينها اذا ماكان في ذهنج لعبه حاظرة ...
وفيه طرق كثيرة ... بس اظن ان المعلومه والفكرة وصلت ... وان شالله تفيدونا بشي من عندكم ...
بنت الشيخة @bnt_alshykh_2
محررة ذهبية
يلزم عليك تسجيل الدخول أولًا لكتابة تعليق.
الخطوة الثالثه: للطلاب الجداد وتصلح للقدامى ....
رسم خريطه للتعرف على مرافق المدرسه وقوانينها
طبعا هذي الفكرة حلوه للطلاب اليداد الصغاار ... في الصف خلي الطلاب يسوون قروبات .. 4 مجموعات .. كل مجموعه تملك ورقه كبيرة مقاس A3 او حتى لوحه ... طلبي من كل مجموعة مهمة واحده ... اقتراحات:
1- يجب ان تبحث لي عن اماكن الحمامات –عزكم الله- ارسم خريطة توضح من اين انطلق لأصل له .. –ياسلام- ... ارسم خريطه توضح اماكن كل حمامات المدرسه ... وارسم الادارة في نفس الخريطة أيضا .. <<< وين المديرة عنج ياشيخة
2- أين المقصف
3- أين الاماكن المخصصة للعب
4- أين غرفة المعلمات <<< في حالة عندكم شكوى ياحبايبي ولا بتوصلون طلبيات من وإلى..!!
5- وين أروح اذا عندي مشكله.. او ابا ارجع البيت اذا ماكان لي خلق دراسه>>> الإخصائيه الاجتماعيه .. من فضلك ارسم مكتب الاخصائيه بالنسبه للادارة ..- لان معظم مدارسنا تكون غرف الاخصائيات داخل الادارة
6- اذا مرضت وين أروح >>> الدكتورة .
وطبعا اللعبه هذي مش بس تعريفيه بمناطق المدرسة .. لا بل انها مفيدة في التعرف على قوانين واداب كل مكان يروحله الطالب ... مثلا .. من بعد ماتجلب الخرائط كلها.. المعلمه تراجع الصور وتصحح الرسمات قليلا ... من بعدها تطلب من اصحاب اللوحه يكتبون على لوحتهم القوانين الخاصه والاداب العامه بهذا المكان ... طبعا يحاولون يتوقعون قوانين بهالمكان .. مثلا\
1. الحمامات: بعد قضاء الحاجة يجب ان انظف نفسي جيدا واغسل الحمام.
يفضل أخذ محارم ورقيه للنظافه التامه.
لا أكتب على جدران الحمام ولا أرسم
لا ألعب بالماء واحرص على اغلاقه بعد الانتهاء منه ..
اذا رأيت صنبور ماء غير مغلق اتفضل على الحكومه وأروح أغلقه.
أنصح الطلاب بالنظافه
2- الساحة المدرسيه: يمنع الدخول في معارك ضاريه مع الاولاد الاخرين << لانه تحصل داحس والغبراء بين الاولاد .. منظر تعودت اشوفه كل يوم ايام تدريبي
يمنع رمي الاوراق والزباله.
اذا رأيت احد من اصدقائي يرمي الزباله أنصحه وإن لم يستمع أخبر عليه طوالي<< ياخاين العشرة..
وغيرها وغيرها الكثير ... النقطة المهمه انج لازم تستحثين الأولاد انهم يطلعون القوانين بروحهم وانتي تحشينها شوي من عندج. اكتبي هذي اللائحة من القوانين في صفحات منفصله بخط واضح وكبير ... واطلبي من كل مجموعه انها تعلق هذي القوانين في المكان المخصص لها في المدرسه ... وبتوقيعهم طبعا ومن بعد اذن المديرة.
فيه اقتراحات ثانيه عن الخطوة الثالثة؟ افيدونا
الخطوة الرابعة: ترتيب مقاعد الطلاب: seating arrangement
ممكن اقترح اقتراحات ثانية في وقت لاحق .. وفي الوقت الحالي هذي فكرة سهلة التطبيق ومفيدة بعد لترتيب الطلاب حسب المقاعد.
اطبعي أسئلة للطلاب يقومون فيها بالاجابه عليها بشكل جدي.
اولا:
1- أنا أحب/ لا أحب القراءة بسبب_____________________________. أو لماذا تحب لا تحب القراءة_____________________.
2- أفضل مادة عندي في المدرسة هي __________(مش مادتج يا أبلة)_____
3- ماهو شعورك العام اتجاه المدرسة____________________________
4- أي نوعية من الكتب تحب القراءة_____________________________.
ثانيا:
والأن فكر بجدية ثم أكتب إسم الطالب الذي ترغب/لاترغب أن تجلس معه في الصف. ولماذا؟
يجب أن يوضح الطالب للمعلمة السبب الذي جعله يرغب/ لايرغب بالجلوس مع الطالب الفلاني. مثلا: انا وصديقي ندرس جيدا ونعمل جيدا اذا جلسنا مع بعض <<< قصدك نسولف جيدا.
أرغب بالجلوس معه لانه شاطر وانا لأ . والشاطر يساعد الكسلان. >>سبب مقبول
لاأرغب بالجلوس معه لأنه مشاغب.
وفي الليل وانتي فاضيه وماعندج شغله الا هالطلاب محصي الاجابات وقارنيها ورسمي الطاولات في صفحة كبيرة وواضحة وكتبي عليها اسامي الطلاب وفي أي مكان تحبين تجلسينهم ومع منوه ...
أشوف انه هذي الخطوة ممكن تتأجل عشان تاخذين وقت وتتعرفين على الطلاب اكثر. من بعد اول تجربه .. شوفي اذا الترتيب مايناسبج او اذا اخطأتي في وضع فلان مع فلان. المهم يعني اسبوعين يكفي انج تتخذين اخر ترتيب للطاولات.
اتفقي مع الطلاب انه هذا الترتيب من الممكن يتغير بين فترة وفترة .. ووضحيلهم اسباب التغيير. يعني من الممكن انج شفتي الطلاب مشاغبين في زاوية الصف. او ان البعض مايستوعب وهو يالس بجانب الدريشة –النافذة-. شاوريهم وخذي موافقتهم في هذا الأمر عشان يوم بيي وقت التغيير مايصيح فلان ويقول انا ابا ربيعي او مابا اغير مكاني. ذكريهم بالاتفاق والسلام عليكم والرحمه.
رسم خريطه للتعرف على مرافق المدرسه وقوانينها
طبعا هذي الفكرة حلوه للطلاب اليداد الصغاار ... في الصف خلي الطلاب يسوون قروبات .. 4 مجموعات .. كل مجموعه تملك ورقه كبيرة مقاس A3 او حتى لوحه ... طلبي من كل مجموعة مهمة واحده ... اقتراحات:
1- يجب ان تبحث لي عن اماكن الحمامات –عزكم الله- ارسم خريطة توضح من اين انطلق لأصل له .. –ياسلام- ... ارسم خريطه توضح اماكن كل حمامات المدرسه ... وارسم الادارة في نفس الخريطة أيضا .. <<< وين المديرة عنج ياشيخة
2- أين المقصف
3- أين الاماكن المخصصة للعب
4- أين غرفة المعلمات <<< في حالة عندكم شكوى ياحبايبي ولا بتوصلون طلبيات من وإلى..!!
5- وين أروح اذا عندي مشكله.. او ابا ارجع البيت اذا ماكان لي خلق دراسه>>> الإخصائيه الاجتماعيه .. من فضلك ارسم مكتب الاخصائيه بالنسبه للادارة ..- لان معظم مدارسنا تكون غرف الاخصائيات داخل الادارة
6- اذا مرضت وين أروح >>> الدكتورة .
وطبعا اللعبه هذي مش بس تعريفيه بمناطق المدرسة .. لا بل انها مفيدة في التعرف على قوانين واداب كل مكان يروحله الطالب ... مثلا .. من بعد ماتجلب الخرائط كلها.. المعلمه تراجع الصور وتصحح الرسمات قليلا ... من بعدها تطلب من اصحاب اللوحه يكتبون على لوحتهم القوانين الخاصه والاداب العامه بهذا المكان ... طبعا يحاولون يتوقعون قوانين بهالمكان .. مثلا\
1. الحمامات: بعد قضاء الحاجة يجب ان انظف نفسي جيدا واغسل الحمام.
يفضل أخذ محارم ورقيه للنظافه التامه.
لا أكتب على جدران الحمام ولا أرسم
لا ألعب بالماء واحرص على اغلاقه بعد الانتهاء منه ..
اذا رأيت صنبور ماء غير مغلق اتفضل على الحكومه وأروح أغلقه.
أنصح الطلاب بالنظافه
2- الساحة المدرسيه: يمنع الدخول في معارك ضاريه مع الاولاد الاخرين << لانه تحصل داحس والغبراء بين الاولاد .. منظر تعودت اشوفه كل يوم ايام تدريبي
يمنع رمي الاوراق والزباله.
اذا رأيت احد من اصدقائي يرمي الزباله أنصحه وإن لم يستمع أخبر عليه طوالي<< ياخاين العشرة..
وغيرها وغيرها الكثير ... النقطة المهمه انج لازم تستحثين الأولاد انهم يطلعون القوانين بروحهم وانتي تحشينها شوي من عندج. اكتبي هذي اللائحة من القوانين في صفحات منفصله بخط واضح وكبير ... واطلبي من كل مجموعه انها تعلق هذي القوانين في المكان المخصص لها في المدرسه ... وبتوقيعهم طبعا ومن بعد اذن المديرة.
فيه اقتراحات ثانيه عن الخطوة الثالثة؟ افيدونا
الخطوة الرابعة: ترتيب مقاعد الطلاب: seating arrangement
ممكن اقترح اقتراحات ثانية في وقت لاحق .. وفي الوقت الحالي هذي فكرة سهلة التطبيق ومفيدة بعد لترتيب الطلاب حسب المقاعد.
اطبعي أسئلة للطلاب يقومون فيها بالاجابه عليها بشكل جدي.
اولا:
1- أنا أحب/ لا أحب القراءة بسبب_____________________________. أو لماذا تحب لا تحب القراءة_____________________.
2- أفضل مادة عندي في المدرسة هي __________(مش مادتج يا أبلة)_____
3- ماهو شعورك العام اتجاه المدرسة____________________________
4- أي نوعية من الكتب تحب القراءة_____________________________.
ثانيا:
والأن فكر بجدية ثم أكتب إسم الطالب الذي ترغب/لاترغب أن تجلس معه في الصف. ولماذا؟
يجب أن يوضح الطالب للمعلمة السبب الذي جعله يرغب/ لايرغب بالجلوس مع الطالب الفلاني. مثلا: انا وصديقي ندرس جيدا ونعمل جيدا اذا جلسنا مع بعض <<< قصدك نسولف جيدا.
أرغب بالجلوس معه لانه شاطر وانا لأ . والشاطر يساعد الكسلان. >>سبب مقبول
لاأرغب بالجلوس معه لأنه مشاغب.
وفي الليل وانتي فاضيه وماعندج شغله الا هالطلاب محصي الاجابات وقارنيها ورسمي الطاولات في صفحة كبيرة وواضحة وكتبي عليها اسامي الطلاب وفي أي مكان تحبين تجلسينهم ومع منوه ...
أشوف انه هذي الخطوة ممكن تتأجل عشان تاخذين وقت وتتعرفين على الطلاب اكثر. من بعد اول تجربه .. شوفي اذا الترتيب مايناسبج او اذا اخطأتي في وضع فلان مع فلان. المهم يعني اسبوعين يكفي انج تتخذين اخر ترتيب للطاولات.
اتفقي مع الطلاب انه هذا الترتيب من الممكن يتغير بين فترة وفترة .. ووضحيلهم اسباب التغيير. يعني من الممكن انج شفتي الطلاب مشاغبين في زاوية الصف. او ان البعض مايستوعب وهو يالس بجانب الدريشة –النافذة-. شاوريهم وخذي موافقتهم في هذا الأمر عشان يوم بيي وقت التغيير مايصيح فلان ويقول انا ابا ربيعي او مابا اغير مكاني. ذكريهم بالاتفاق والسلام عليكم والرحمه.
الخطوة الخامسة: نصائح لاول يوم للمدرسه ... وارساء قوانين المعلمه في الصف عن طريق الطلاب انفسهم >مناقشة<
طبعا هذي أشوفها أهم خطوة من بين كل الخطوات. الفرق بين المعلمة الناجحة والمعلمة الضعيفه هو قدرتها التامه على السيطرة والتحكم بالطلاب.
دام انج اخطيتي هالخطوة بشكل سليم. اطمني بأن اللي تبينه بيصير في الصف. وأنج بتكونين الامرة الناهية في الصف طبعا بحكمتج وباسلوبج وبحزمج... مش بالعصبية والصراخ والعصا.
قائمة النصائح اللي بتعرض الان, تساعد الطلاب أنهم يشعرون بالطمأنينة لوجودهم معاج من أول يوم حتى نهاية المدرسة:
1- دعي الطلاب يشعرون بأنك إنسان حقيقي! أي انك تمر بنفس مايمرون. خليهم يعرفونج عن طريق صور لج خذتيها في السيح ولا في الحديقة وانتي تاكلين سندويشة. أو عن طريق القصص
2- اذا تحبين ان العيال يعرفون انح تهتمين بهم. رحبي بهم من وقت دخولهم الصف. استخدمي النظر إلى عيونهم يوم تتحدثين لهم. أظهري التعاطف وكوني صادقة معاهم.
3- أسسي قواعد وإجراءات في الصف من البداية. لازم تخليهم يعرفون شو المتوقع منهم. لا تعطينهم لائحة بالقوانين والممنوعات. "لاتصارخ" " لا تقول أنا أبلة". خليهم بنفسهم يقترحولج لسته بالقوانين اللي لازم أي طالب مؤدب يسويها في الصف. أي اتقراح كتبيه على السبوة او خلي لج كاتب في الصف. مع مرور الوقت وبين الحين والحين راجعي القوانين مع الطلاب وراجعي نفسج قبل. هل انتي منتظمة بقوانينج؟
4- خلي جو الصف مريح للطلاب. اللون الأخضر والازرق والبنفسجي بالعادة يهدن جو الغرفة. ممكن تضيفين أشجار على الزوايا لإراحة العين.
5- كوني واقعية في توقعاتج بمستوى الطلاب. لاتتوقعين ان التلاميذ بينجزون من العمل اكثر من قدرتهم او طاقتهم. هذا بيسبب لكم بعض القلق. وفي نفس الوقت لاتعطين الطلاب شي اسهل بكثير من قدرتهم الحقيقة وهذا الشي بحد ذاته يقود للملل. دايما حاولي تيبين شي يتحدى فكرهم.
6- دايما حاولي تخلقين جو الجماعة في الصف. كثري من النشاطات والالعاب اللي تخليهم يتعاونون ويتشاركون مع بعضهم. ولاتخلين هالانشاطات مقتصرة على اول السنة فقط بل خليها مستمرة إلى نهاية العام.
7- درسي الطلاب باستخدام وسائل تعليمية مختلفة. تذكري ان الطلاب يتعلمون بطرق مختلفه عن بعضهم البعض. كل ماقدرتي اعطيهم الفرصة.
طبعا الامر مفتوح لكم لاضافة أي اقتراحات:
طبعا هذي أشوفها أهم خطوة من بين كل الخطوات. الفرق بين المعلمة الناجحة والمعلمة الضعيفه هو قدرتها التامه على السيطرة والتحكم بالطلاب.
دام انج اخطيتي هالخطوة بشكل سليم. اطمني بأن اللي تبينه بيصير في الصف. وأنج بتكونين الامرة الناهية في الصف طبعا بحكمتج وباسلوبج وبحزمج... مش بالعصبية والصراخ والعصا.
قائمة النصائح اللي بتعرض الان, تساعد الطلاب أنهم يشعرون بالطمأنينة لوجودهم معاج من أول يوم حتى نهاية المدرسة:
1- دعي الطلاب يشعرون بأنك إنسان حقيقي! أي انك تمر بنفس مايمرون. خليهم يعرفونج عن طريق صور لج خذتيها في السيح ولا في الحديقة وانتي تاكلين سندويشة. أو عن طريق القصص
2- اذا تحبين ان العيال يعرفون انح تهتمين بهم. رحبي بهم من وقت دخولهم الصف. استخدمي النظر إلى عيونهم يوم تتحدثين لهم. أظهري التعاطف وكوني صادقة معاهم.
3- أسسي قواعد وإجراءات في الصف من البداية. لازم تخليهم يعرفون شو المتوقع منهم. لا تعطينهم لائحة بالقوانين والممنوعات. "لاتصارخ" " لا تقول أنا أبلة". خليهم بنفسهم يقترحولج لسته بالقوانين اللي لازم أي طالب مؤدب يسويها في الصف. أي اتقراح كتبيه على السبوة او خلي لج كاتب في الصف. مع مرور الوقت وبين الحين والحين راجعي القوانين مع الطلاب وراجعي نفسج قبل. هل انتي منتظمة بقوانينج؟
4- خلي جو الصف مريح للطلاب. اللون الأخضر والازرق والبنفسجي بالعادة يهدن جو الغرفة. ممكن تضيفين أشجار على الزوايا لإراحة العين.
5- كوني واقعية في توقعاتج بمستوى الطلاب. لاتتوقعين ان التلاميذ بينجزون من العمل اكثر من قدرتهم او طاقتهم. هذا بيسبب لكم بعض القلق. وفي نفس الوقت لاتعطين الطلاب شي اسهل بكثير من قدرتهم الحقيقة وهذا الشي بحد ذاته يقود للملل. دايما حاولي تيبين شي يتحدى فكرهم.
6- دايما حاولي تخلقين جو الجماعة في الصف. كثري من النشاطات والالعاب اللي تخليهم يتعاونون ويتشاركون مع بعضهم. ولاتخلين هالانشاطات مقتصرة على اول السنة فقط بل خليها مستمرة إلى نهاية العام.
7- درسي الطلاب باستخدام وسائل تعليمية مختلفة. تذكري ان الطلاب يتعلمون بطرق مختلفه عن بعضهم البعض. كل ماقدرتي اعطيهم الفرصة.
طبعا الامر مفتوح لكم لاضافة أي اقتراحات:
الصفحة الأخيرة
خلاص من بعد ماهذرت المعلمه عن نفسها ... الحين ايي دور الطلاب يتعرفون على بعضهم البعض في الصف .. ويتعرفون على الوجوه وعلى الاسامي وغيرها ...
ومن الالعاب اللي يلعبونها مع بعض ...
الفكرة الأولى: students introductionوهذي ممكن تكون بعدة طرق
الطريقة الأولى: تخلين الطلاب يسوون name tag او بطاقات اسامي ... هيه عبارة عن بطاقه فيها اسم وفيها خيط تعليق حول الرقبه .....
الخطوة الأولى: في ثاني او ثالث يوم من العام الدراسي ييبي بطايق جاهزة او انتي قصيهم باحجام معينه .. هاتي ماركرز او أي اقلام فولومستر يكون خطها كبير وواضح ... اذا حابه شغلانه اكثر .. هاتي الوان خشب ... وعشان التعليقه ... احضري كورة خيط صوف
الخطوه الثانيه: الحين ... قبل البدء بأي خطوه ... يفضل انج تسوين بطاقة جاهزة في البيت بشكل واضح وميسر للطلاب .... اذا فيه سعه ... حاولي تسوينها مرة جدام الطلاب خطوه بخطوه ... وهذا مايسمى بال modeling الصحيح عشان توصل الرسالة صحيحة ومفهومه ...
الخطوه الثالثة: .... وزعي البطايق على البنات كلهم ... خليهم يلونون بطاقاتهم ويسوون خلفيه حقهم ... اذا تحبين تكونين نظاميه اكثر وتخلصين بسرعه ... خلي كل بنت تختار لونين فقط لتلوين الخلفيه ... لاتسمحين ابدا باكثر من لونين ... وعشان ماتصير فوضى ... خلي الالوان عندج في الطاوله ... وكل بنت تي تستلم بطاقه + لونين+ لونين فولمستر ... احمر واسود... خيط صوف .... كوني حازمه جدا في توزيع الالوان ... يعني ماشي أي تبديل للالوان اللي عطيتكم اياهن ... وماشي أي مناقشه ... هذي فرصه تبينين فيها كيف انتي صارمه وماتقبلين المناقشه في مثل هالامور ... قوليلهم اذا شفت في الخلفيه أي لون ثالث معناته ما أقبل البطاقه .... that’s it ...
الخطوة الرابعة: الان ومن بعد تلوين الخلفيه خلي البنات يكتبون اسمهم بخط كبير وواضح ... الحرف الأول خليه بلون أحمر وتكملة الاسم يكون بلون أسود .. خليهم يخرمون خرمتين بالقلم على البطاقه ... ويدخلون فيها حبل الصوف ... ويربطونه من الطرفين ... ويعلقونه على رقبتهم ...
الخطوة الخامسة: الحين تقدرين تنادين اسم أي بنت بدون ماتسإلينهم "شو اسمج" وعشان تتذكرين مواقع البنات من دون الtag ... خلي البنات يرتبون انفسهم حسب الترتيب الابجدي او alphapatic .. مؤقتا لين ماتربطين الاسم مع الوجه ... خلي حرف الالف يكون في اول طاوله .. وهكذا ... او العكس ...
الطريقة الثانية: TIME CAPSULE ACTIVITY ... نشاط كبسولة الوقت
هذي الطريقة حليوه شوي ... الادوات المطلوبه علب برنجلز الصغيرة ... في اوائل الايام تعطين كل طالب علبة بنرجلز بدون الشبس اللي داخلها ... ياليت تكون مغلفه عشان مايبين شكل العلبه عشان ماتشغل الطلاب عن موضوعهم الرئيسي ..
الفكرة ان الطلاب يحتفظون بقصاصات ورق تعبر عن شخصهم ... ممكن تخلينهم يكتبون جمله وحده او مقطع صغير عن الاشياء اللي يحبونها او مايحبونا ... طبعا على حسب المرحله العمريه ... ممكن العيال الصغااار يكتبون كلمه او كلمتين ... ممكن يرسمون رسمة ... او يكتبون رايهم في موضوع معين ... خلهم يلفون هالقصاصات ويكتبون اساميهم خلف على كل وحده ويحطونها في صندوق برنجلز .. ويكتبون اسمهم على الصندوق لضمان عدم ضياعهم ... طيب الحين بتسإلوني ليش كل هذي العفسه ..؟؟
بقولكم ... القصاصات اللي فيها رسمه او كتابه او جمل طويله او قصيره .. ممكن
1- تعرفج بمستوى الطالب عشان تققرين كيفية تدريسه في المراحل المقبله
2- تكون دلائل على تطور الطالب الدراسي او انخفاضه او بقائه على مدى العام الدراسي >الطريقة انج في نهاية السنة تخلين الياهل يبطل صندوق البرنجلز نفسه ويشوف رسماته وكيف كان خط ايده وكيف طريقته في صياغه الكلمات ... وبجذيه بيكتشف تطوره الاكاديمي بنفسه ...
3- تستخدم لتعريف الطلاب بعضهم البعض: حلو اذا من الممكن يحطون صورة شمسيه في البرنجلز مالهم... عشان كل مابغيتي تعرفين عن طالب معلومات تقدرين تشوفين صورته بعد...
أهم شي انج تحددين شو تبين بالظبط من الطلاب انهم يحطون في الصندوق ... أي شي ممكن يفيدج في الحكم على مستواهم في المستقبل ....
الفكرة الثانية: مجموعة ألعاب:
اللعبة كمثال: people bingo
هذي اللعبة فكرتها انج توزعين على كل طالب ورقة مقاس A4 تكون مقسمة الى 9 او 12 مربع .... الطلاب يقومون بشكل جماعي ويسإلون أي حد من زملائهم: خبرني عن أي شي واحد عنك .... او يسأله شو تحب تاكل ... عصيرك المفضل .... كم عدد اخوانك وخواتك ... المهم تكتب الاجابة في احد المربعات ... وصاحب الاجابة لازم يوقع اسمه في هذا المربع .. لانه هوه صاحب هالمعلومه ... ومايجوز ان نفس الطالب يسأل مرتين ... الفكرة ان الطالب يتعرف على اكبر عدد ممكن من زملائه ... اللي يعبي الجدول كامل قبل ... يكون هوه الفايز ..!!
طبعا الألعاب وايد... بس لضيق الوقت اكتفيت بمثال توضيحي ... وماببخل عليكم اذا بغيتوا العاب أكثر. بس اطلبوا.