السلام عليكم لعيوووون ام عبوود بنزلكم طريقة بنت الصحن هي العجينه حقها سهله لكن طريقة التصليح متعبه شوي كلمتكم مش تقولوا ماقلت لكم
هي طريقتها اخذتها من طريقة ام عبود في طبخ البريك لكني غيرت فيها عشان تصير بنت الصحن 😋😋
طبعا العجينه مويه ودقيق ابيض وملح وخميره فقط انا ماأحب البيض فما احط تعجنيها زييين ولو عندك عجانه بيكون أفضل وبعدين تكوريها كور متوسطه مش كبيره مره ومش صغيره وبعدين تكوني داهنه الصحن اللي بتسوي فيه بزبده والأفضل انك تكوني دهنتيه من قبل ماتبدي وحطيتيه في الثلاجه او الفريزر عشان الزبده تمسك في الصحن وماتذوب وانتي بتشتغلي وبعدين تاخذي القرص الاول وتفرديه على الصحن
بتعرفوا الخبازين لما يفردوا العجينه بأيديهم كيف يسوو ايوه سوي مثلهم وحطيها على الصحن وافرديها كامله وبعدين رشي زبده ذايبه على الوجه وبعدين افردي الثانيه وحطيها على القرص الاول ورشيها بزبده او سمنه واستمري كذا لين تخلص الكميه اللي عندك واخر وحده ادهنيها بحليب سايل ورشي عليها حبه وسودا وخليها تخمر واذا خمرت حمريها من تحت وفووق وطلعيها وغطيها شوي عشان ماتتكسر معاك الطبقه اللي فوق فعشان كذا غطيها خمس دقايق تقريبا وبعدين قطعيها وكليها مع عسل وكاسة شااي جدااااا لذيذه وتصلح فطور او عصريه