بنت الكويت عطر البوادي بنات المنتدى داخله على الله ثم عليكم لا تخلوني

بنت الكويت عطر البوادي بنات المنتدى داخله على الله ثم عليكم لا تخلوني
تعبت يا اخواتي وانا ادور من رجيم الى رجيم.. ما ادري شسوي
بنات مو عيبيي اني ما اقدر التزم بس عيبي هو اني ما اثق بالرجيمات اخاف
احرم نفسي واتعب واخرتها يزيد وزني وما ينقص ،،، ساعدوني يا بنات ارشدوني
وجهوني ما لي بعد الله الا انتم ،، قبل سنتين رحت لطبيبة تغذيه راحت زادت وزني بدال ما تنقصه
وهذا زاد الطين بله والله طبيبتين مو وحده .. وحده اصرت انها تزيد وزني لانه بنظرها مو طبيعي
ايامها كان وزني 52 والثانيه خذت فلوسي كلها ادويه مالها معنى واخرتها ما قدرت استمر معاها لاني ماوثقت فيها .. تدرون انه قبل سبع سنين كان وزني 90 ونقصته في ست شهور الى ثمان شهور تقريبا ما اذكر بالضبط الى 49 بعدين زاد الى 58 ونقص بروحه بعد العيد الاضحى الى 54 والحين بين 55 و 54 بس انا مو ماشيه
على نظام معين اكلي شيبس اللي بالبقاله وكاكاو وروب وهذه الاشياء .. ما اقدر اتركها الا اذا شفت نظام فعلا
ينقص وزني ،،، فساعدوني يا بنات والله اني تعبت من التفكير ابي اشيل خوف السمنه ابي اعيش باقي حياتي براحه ساعدوني يا بنات حتى ولو بكلمه طيبه.. معلومات عني :
العمر 25 – الوزن 55 – الطول 156 ،،، غير متزوجه – الحاله النفسيه حزينه وكئيبه – فصيلة الدم o
بنات اللى نفس حالتي او طولي ووزني .. وقدرت تتخلص من هذا الهم او اتبعت نظام نفعها لا تبخل علي بالمساعده واسال الله لها ولذريتها واهلها الفردوس الاعلى والصحه والعافيه وقرة العين اللي ما تنقطع آآآآآميييين