بنت بأول متوسط تقولي ان لها علاقه بولد عمها ادخلوا شوفوا التفاصيل

السلام عليكم خواتي العزيزات..
مساء السعاده والراحه والطمأنينه..
كتبت موضوعي هذا لغرضين ....
الاول ؛ تنيه خواتي الامهات لمراقبة بناتهم
مراقبه شديدة لاننا في زمن والله يخوف حييييل ...
لاتقولين كذا مااعطيها الثقة بنفسها لا والف لا لان اذا
فات الفوت ماينفع الصوت وبعدين ماراح تنفعك فلسفتك
راقبيها بدون ماتحس عشان تصيدين عصفورين بحجر
انك ماتحسسينها انها مو ثقة والثاني انك تحافظين عليها .
الغرض الثاني من الموضوع حابه تعطوني اقتراحاتكم
كيف انتبه للطالبه واهتم فيها وادلها ع الطريق الصحيح بعد الله

اسفه نسيت اقولكم سالفتها ...هذي ياطويلات العمر طالبة باول متوسط
كانت ممتازه قمة ف الشطارة بإسم الله عليها تغيرت قبل فتره مية وثمانين درجة
جاتني اليوم قالت ابيك بموضوع ياأستاذه انا احب ولد عمي وهو يحبني دايم
يراسلني ووووووووو كلام كثير قلت لها انتي تغطيتي منه والا بس ف المدرسة
قالت ايوه تغطيت وهذا اللي مزعله طبعا هو بثاني ثانوي .. تقول ماعاد يكلمني
زعلان وانا تغيرت مااذاكر و صرت انعزاليه واليوم كله ضايقه ووووووووو نصحتها
باللي اقدر عليه و وصيتها بعدة وصايا انها مثلا ماعاد تخلي نفسها فاضيه
تشغل نفسها تسجل بدار قران تساعد امها تذاكر ووووووو .....

المهم ياحبايبي اول مره تمر علي مشكلة زي كذا عطوني حلول وكيف انا اراقبها
لاني والله حسيت اني مسؤوله عنها مااقدر اخليها نهائي ...

اسفه ع الاطالة وشاكره لكم مقدما حسن تعاونكم..