السلام عليكم ورحمةالله وبركاته
حبيت اذكر لكم قصة وحده من جمعتنا علئ سبيل الأستفاده وأخذ العظه والعبره والحذر ثم الحذر من الأختلاط الزائد مع اخوان الزوج او اخوات الزوجه بحجة الميانه وخواتك مثل خواتي او العكس لأنها انتشرت هذه العاده عند بعض العوائل ..............................................
فيه وحده من جمعتنا كانوا اقاربي يتكلمون فيها وفي اخلاقها وطيبتها ويسمونها ام عبدالله نعم المراءه
وكانوا يقولون انها تحب زوجها حب قوي ودايم تمدح فيه حتى لوكان غلطان وابو عبدالله عين السيح وزوجها معروف بالعائله برجولته وشهامته بين الناس
المهم ام عبدلله عاشت مع اهل زوجها تقريبا عشر سنوات بسبب حالة زوجها الماديه وصبرت عليه وحطت الريال فوق الريال عشان تساعده في بناء بيت العمر ورغم انه سكنت مده طويله عند اهل زوجها ومع ذالك مكان احد يشتكي منها لطيبتها وكان اللي على قلبه على لسانها
وام عبدالله كانت حامل بطفلها الرابع وكانوا مخططين هي وزجها انهم يسكنون بالبيت الجديد بعد ولادتها لأنها ماتقدر تنقل وهي ثقيله وكنت تنظرهذي اللحظه اللي تعيش هي وزوجها وطفالها بيت كبيرخاص فيها وكانت دايم تسولف على اهلها بالسان زوجها وتمدح فيه قدام خواتها طبعا هي الأخت الكبرى واللي تحتها كلهم متزوجين معدا وحده وترتيبه الخامس بينهم
المهم ولادة ام عبدالله وراحت عنداهلها عشان تقعد عندهم فترة النفاس وكان زوجها دايم يتصل عليها عشان يتطمن عليها وعلى عياله وكان بهذاك الوقت ماكان منتشر الجوال بين كل الناس كان يتصل على الهاتف الثابت وكانت اختها الصغيره هي اللي تردعليه وتسولف معه وهو كان معتبرها مثل اخته الصغيره وكان يتصل احياناوكانت تقوله فلانه مشغوله ولاتخبرها انه يبيها ومرت الأيام وهي تتلزق فيه الين بدء قلبه يميل لها وكانت تكلمه وتضحك واذا أحد سألها انتي مين تكلمين قالت صديقتي يوميا على هذا وكانت الأخت الكبيره تتشكى من اهمال زوجها لها وانه مو فرحان انها قربت تطلع من النفاس وكانت امهاتصبرها وتقولها انه مشغول بالبيت الجديد وطبعا الأخت الصغيره تسمع وسكاته كأن مافيه شيئ المهم طلعت ام عبدالله من النفاس وتنتظر ابوعبدالله يجي عشان يأخذها وتروح بيت العمر وطبعا جاء ابوعبدالله لكن ليته ماجاء جاي وبيده ظرف وقال سلموه لأم عبدالله يقول اخوها استغربت ليش مايببي يدخل غير العاده اخذت الظرف وكانت ام عبدالله متجهزه تحسب يبي يأخذها وكانت الصدمه يوم قرت الورقه اللي بالظرف وهي ورقة طلاقه وجتها حاله هستريه وماغير تردد انا وش سويت قولوا لي وتبكي وكل اللي حولها يبكون حتى اخوانها الا اختها الصغيره بس تطالع ومكان احد يدري انها سبب المشكله وحاولوا يدرون منه ليش طلق بس من غير فايده المهم بعدفتره جاء لبيتهم وطلب ايد اختهم الصغيره ومكان من اهلها الا انهم طردوه من البيت وعرفواانها هي السبب بطلاق اختها وعصبوا عليها وضربوها وهي ملزمه انها تتزوجه وهم رافضين المهم انها خططت هي وابو عبدالله انه تسافر عند اخوانه من الأب بجده وتتملك هناك وفعلا تزوجته ورجعوا وعاشت فلة العمر بيت اختها ومو كذا وبس جاء ابو عبدالله واخذ عياله وسكنهم فوق وزوجته تحت وجلست ام عبدالله عند امها الكبيره بالسن وهي لابيت ولاولد ولازوج مجرد ه من كل شيئ كانت تملكه ومرضت وجلست فوق ست شهور مريضه الا ان ماتت من الحسره والألم الله يرحمه ويرزقها الجنه
اتمنئ من اللي يقرأ يدعي لها ولا يدعي على احد
يلزم عليك تسجيل الدخول أولًا لكتابة تعليق.
اعوذ بالله كيف تسوي بااختها كدا وربي انها مهي عيشه بسعاده وانها ندامنه باللي سويته باختها
الصفحة الأخيرة
فعلا الوحده لازم تكون حريصه
وهذي نتيجة الاختلاط
ومشكوره ع القصه