يا بنات والله أنا حصل معاي هالموقف من بنات ياهم ايرانيات أو تركيات أو كرديات أو بوسنيات
ما أعرف جنسيتهم بس أشكالهم شرقية و جميلات جدا و عليهم عيون تطيح الطير من السماء
أنا و أنا بنت أكلتهم بعيوني من كثر ماهم مزايين و كانوا إلا بالقوة يخلون زوجي ينتبه لهم يعني
حركتهم كانت كثيرة و ماتسمعون إلا صوت الزفرات طالعة منهم (أستغفر الله) و تنهد و تسبيل عيون
و لفح بهالشعر طبعا بالإضافة إلى التفصخ و كل شوي يطالعون صدورهم يعني حركات وصخة و باينه
و بس يطالعونا و يسوون خدمات حق بناتي مع إن بناتي معودتهم يعتمدون على أنفسهم ولو أحتاجوا شيء
على طول يطلبوني أو أبوهم بس شتقولون على اللي في راسه موال و وده يغنيه يعني كانوا ناويين ينفذون اللي براسهم بس على مين؟؟؟ وكانوا قاعدين بجنبنا في الطيارة (كنا راجعين من التشيك سلوفاكيا على السعودية)
يعني 7 ساعات بيقعدونها معاي مو لحظات و بيكون فيها أكل و شرب و قعدة ونوم ولو إن هالتشكيلة مو جاية
عشان تنام بس أنا و ش سويت طبعا كنا مستانسين إن احنا قضينا اجازة حلوة و فيها مواقف مضحكة و محرجة
و مقالب و انتهت على خير أول شيء خليت زوجي يجلس في أقرب سيت لهم بس كان بينهم الممر اللي
بالطيارة فلما أكلم زوجي يضطر يطالعني و ما يشوفهم ولا يشوفهم إلا أنا بس (متخيلين معاي اشلون)
بعدين بدا الشغل الجد فشنو سويت طلعت علك من شنطتي عشان أعطي زوجي و ما عطيته إلا بعد
ما سويت جميع أنواع الدلع حطيت العلك بفمي وقلت له تعال خذها طبعا هو قال لي أنتي مو صاحية
قلت له طيب والله أنا أحطها في فمك بيدي بالإضافة لكل أنواع المياعة (طبعا كل هذا والبنات يطالعونا) بعدين
بديت أذكره بكل موقف حلو و مضحك صار بالرحلة و احنا ميتين ضحك عاد بعدها بديت أمسك يدين زوجي
و أسوي فيها حركات شوي أحطها على خدي و شوي احطها على صدري و شوي ألملم ايدينه في وسط
ايديني و أقارن بين حجم كف يده الكبييييير و حجم كفي الصغير و بعد كذا بديت أحط راسي على كتفه
و أتنهد و ياحلو هذيك الأيام و يارب تنعاد علينا ومن هالكلام و بعدين سويت لزوجي خدمات أحلى من
خدمات الدرجة الأولى، شوي أعطيه ماي و شوي مكسرات و شوي أعدل له المخدة ورا ظهرة و شوي
أعدل له شعرة و شوي أسوي نفسي كأن فيه رمشة طايحة تحت عينه و أقوم أسوي نفسي كأني أبي
أوخرها و أقعد ساعة أقول له غمض عيونك عشان أشيلها و عفسه و هو في الأصل لا فيه رمشة طايحة
ولا شيء و قلت له كم أنا أحبه و أموت فيه و أنه الحمدلله إني تزوجته و ماتزوجت غيره و أشياء كثيرة
المهم الزبدة إني أشغلته فيني و لا خليته يطالع صوبهم إلا لما جاب المضيف الأكل لنا أو العصير بس غير
كذا مافيه و الله يا بنات إني خليتهم على نار تاكلهم و صاروا شوي و ينطون من الطيارة كلها و يتركونها
لنا.

تدرون عاد في الأخير شنو سووا هالبنات من الغيض؟؟؟؟؟؟؟؟؟؟؟
















ناموا!!!!!!!!!! و الله العظيم حطوا راسهم و ناموا لأنهم ملوا مني ماخليت الرجال يلتفت صوبهم
و لا بعد جابوا بطانيات و تلحفوا زين ما زين حتى الأكل ما أكلوا شيء يعني صحوا من النوم
على صالة الوصول اللي بالمطار على طول؟؟؟؟؟ عاد يوم شفتهم كذا قلت صدق المثل اللي قال


((((((((((((((ما يـــــفــــــل الحــــــــــــديــــــــــــــد إلا الحــــــــــــــــــــــديـــــــــــــــــــــــد))))))))

يعني داويتهم بنفس الداء اللي كانوا بيسوونه فيني و انقلب السحر على الساحر و الحمدلله.

آسفة قصيت لكم قصة حياتي بس و الله إني ما توقعت إن كل هذا بيطلع مني (و الخافي كان أعظم
يعني من غير اللي ما قدرت أذكره لكم لأني تعبت من الكتابه، طبعا ما كان فيه أحد يقدر يشوفونا
غير هالبنات اللي الله لا يوفقهم) ولا توقعت إني في حياتي ممكن أتعرض لموقف مثل هذا و يمكن لو أحد
سألني بقول إني بعصب عليهم أو يمكن ما أعصب بس لما تعرضت للموقف بان كيد النساء على طول..

هلا بنات
صـــــــــــــــــــــــــــــــــــــــــــــارت معي والمشكله من وحده من الاقارب او الانساب اصح
وكم مره تسويها ((اللوقيه))))
بس مادري وش يجين ذيك اللحظه يغطى علي ويغشى علي :35:
ارتبك واتفاجأ ويطرق لي قهر ولهده اعجز حتى اقول (با)
واذا رجعت وجلست مع نفسي لمت نفسي كثير ليش ماقلت ورديت او حتى سطرتها كف يصحيها :mad: :mad:
وعلى هالحاله الوم واتحسف:( :(
بس انشا الله المره الثانيه ان تهقوت وسوتها :
تدرون ماودي اسيق الاحداث

شهير نت:27:

الصراااحة ما ادري .. لاني ما اضمن نفسي .. عادي عندي ارتكب فيها جريمة

والله بسيطة اذا صارت مالي الا اطلع من المحل اللي احنا فيه حتى لو هو عاجبني واجيب اي عذر عشان نقوم....عاد اذا ماصار لي اللي ابيه لكل حادث حديث...

صراحة ازعل علي زوجي